Ja tareta ye tä ni kristiano erametre bämike: Nita keteitibe ye nikwe kriemikadre

ÑOBÄTÄ ÜTIÄTE: Jesús murie keta jämi deu ye känenkri ribebare kwe Rün ie, nitre ja tötikaka kwe ye tädre käre keteitibe (Jn 17:23). Ni tädre keteitibe yekäre, nikwe ja taredre kwärikwäri aune ñan ni mätä rabadre “kärekäre ja dokwäre” (1Co 13:5).

NUAINDRE ÑO:

• Käre töbikadre kwin ni madabätä Jehová erere.

• Ni tädre juto biarebe ngite juankäre ta ni madabiti.

• Ja mäkädreta jäme jabe aune ñaka kukwe ngwandreta törö jai (Pr 17:9).

VIDEO JA TAREDRE KWÄRIKWÄRI: JA TARE YE ÑAKA KUKWE NUAINTABÄTÄ YE NGWEN TÖRÖ JANKUNU JAI YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Ñobätä ni raba niere kenanbe Elena mätä nämäne ja dokwäre?

• Elena ñaka nämäne töbike kwin, ¿akwa ñokänti ja töi kwitani kwe?

• ¿Elena käkwe konkrekasion dimikani ño nemen keteitibe?