Kukwe mikadre nemen nitre brukwäte

Proverbios 3:1

KUKWE MIKATA GARE: Mäkwe nitre dimika kukwe tä nemen gare ietre ye mike ütiäte jai aune mike täte.

NUAINDRE ÑO:

• Mäkwe nitre dimika töbiketari akwle jabätä. Mäkwe kukwe mika gare nitre dimikakäre ja trä tuin.

• Mäkwe nitre dimika töbike kwin. Ñobätä nitre mä kukwe nuaka tä kukwe kwin nuainne yebätä mäkwe niaratre töi mika. Niaratre tä Jehová, nitre mada aune kukwe drieta Bibliakwe ye tarere, yebätä metrere rabadre kukwe kwin nuainne ye mäkwe niaratre dimika mike nüke gare jai. Mäkwe ja ngwan töbätä kukwe Bibliabätä ye mikakäre nüke gare ietre. Mäkwe kukwe kädriedre ünä ye bitikäre, nitre ñaka rabadre jakaire, ñakare aune ja rabadre ruin kwin ietre aune törbadre kukwe kwin nuaindi bäri.

• Mäkwe nitre töi mika Jehovabätä. Kukwe metre mikata gare nie, kukwe Bibliabätä ni jie ngwankäre aune kukwe tä ükaninte Bibliabätä ye tä ni dimike Ngöbö mike gare bäri kwin jai aune ye tä bämike tä ni tarere ye mäkwe mika gare ietre. Ja ruin ño Jehovai ye nitre ngwandre törö jai aune niaratre törbadre Jehová mikai täte yebätä mäkwe niaratre dimika töbike.