Kukwe driekäre

Sabado kena septiembre yebätä ja tötika Bibliabätä kömikadre ño

“Nitre kwati kräke angeletre ye metre. ¿Aune mä? [Mäkwe tuanmetre blite.] Angeletre ye ja üaire aune dite krubäte, ¿raba ni dimike raba ruin mäi? Tätre ni dimike ño ye Biblia tä mike gare.” Biti kukwe tä mikani täräkwata Ni Mikaka Mokre 1 septiembre página mrä yebätä ye mäkwe mika tuadre ie aune mäkwe kukwe ngwantarita kena ye kädrie ben bätä texto keteitibätä mäkwe ñäkä. Mäkwe täräkwata ye drie ie aune mäkwe köbö ükate jai kukwe mada ngwantarita ye kädriekäre ben.

Ni Mikaka Mokre 1 Septiembre

“¿Nitre tä Kä tibien juen ngwarbe ye ükate raba o ñakare raba ruin mäi? [Mäkwe tuanmetre blite.] Ni kä tibienbätä käkwe kä tibien juanina ngwarbe ye niaratre ñaka raba üketeta, akwa Ngöbö abokän raba üketeta aune tö nuaindi nieta Bibliakwe. Kukwe ye mikata gare metre nie Salmo 65:9 yebätä [mäkwe ñäkäbätä]. Ngöbökwe Kä tibien ye ngübai ño kwin aune kukwe kwin tä ja känenkäre ye raba nemen ño nikwe ye mikata gare täräkwata Ni Mikaka Mokre nebätä. Ti törba mikaite mäi ne kwe mäkwe ñäkädrebätä.”

¡Despertad! Septiembre

“Nitre kwati rabadre sribire krubäte ruin ietre aune kukwe keta kabre ben ja tuadre ño kwetre ye ñaka gare ietre. Nitre ie kukwe gare tätre niere sribita krubäte ye raba ni mike nainte, aune ye tä ni mike bren ngrabare aune töite. ¿Kukwe meden raba ni dimike ñaka ja töi mike sribi aibe nuainne? [Mäkwe tuanmetre blite.] Bersikulo Bibliabätä ne tä ni mike töbike [mäkwe ñäkä Eclesiastés 4:6 yebätä]. Nikwe dre dre mikadre nuaindre käne jai aune ño ni ñaka raba nemen nainte sribibätä ye kräke kukwe ketabokä mikata gare täräkwata nebätä.”