Kä kwin känä jai ja tötikakäre

¿Mä tö kukwe nguseta mikai gare bäri kwin jai, mäta ja tötike kaibe ye ngwane? Kukwe ruäre ne raba mä dimike ne kwe kukwe nguseta ye raba nemen gare bäri kwin mai.

• Kä jäme känti ja rabadre ruin kwin mai ye mäkwe känä. Kä tädre ükaninte kwin aune kä trä mate kwin ye mäkwe känä. Mä raba ja tötike mesabätä o jubäre, kä bälen känti ja rabadre ruin kwin mäi ye mäkwe känä.

• Kä känti mä täi kaibe ye mäkwe känä. Jesús nikani orare “kä nämane diore angwane, Jesu naninkrö, nikani kä kaibete blitakäre Ngöböbe” (Mar. 1:35). Kä kaibe ñan raba kwen mäi o mä mikata ñan tä nemen kaibe ye ngwane, ora o ñongwane mäkwe ja tötikai ye mäkwe mika gare mä mräkätre o ni ben mäta nüne yei ne kwe ñan mä nikadre kwe.

• Jondron mada raba mä töi mike kä madabiti ye ñaka mika ñärärä. Teléfono o tableta biti mätä ja tötike ngwane, mäkwe notificaciones (mensaje) juanta mäi ye ñaka ngö rabadre yekäre mäkwe mika (silencio) o mä raba mike modo avión ne kwe ñaka mensaje rükai mai. Mäta ja tötike ye ngwane, kukwe ruäre mäkwe nuaindre rüka törö mai ngwane, mäkwe tika täräbätä nuainkäre ja tötika bitikäre. Ñan raba nemen nuäre mä kräke ja töi mikakäre kwatibe ja tötika yebätä ngwane, mä rüka krö aune ja jäkä chi o mä rika dikekä chi.