Ochiyibukire Si?

Aliko si, wanasomere bwinja amagazeti m’Omunara g’Omulanzi ma gunola mwaka? Lolaga akaba wakagala kushubiza kw’ebila bibazo bikulikireho:

Bichi biheberemo “okuhindamula okuntu rhunawaza”? (Ro. 12:2)

Biheberemo binene kulusha kukola ebijiro binja omu kalamo. Bihebere m’okusuzuma oborhere bwerhu bwa ndani n’okujira ebirhwahindamula omu kuntu akalamo kerhu kapatane n’amakanuni ma Mungu.—w23.01, buk. 8-9.

Nka gurhe rhwakayerekana olugero amango yirhwabona ebili byarhengerera omu gulu?

Rhuli rhwachibonera okuntu ebihe bili zene bili byayeneza obulebi. Ahali h’okuyinja rhwafola ebyakalerha akavulindi, rhuseze enganiro zerhu oku myazi olubaga lwa Yehova yi lwamenyesa. (1 Ko. 1:10)—w23.02, buk. 16.

Ngahe obubatizo bwa Yesu bulekene n’obw’abanafunzi bage?

Bulala aburhwaga omu shanja lihaanirhwe emwa Mungu, Yesu arhalikwanene kuchihaana emwa Yehova nk’oku rhwabo rhunajira. Yesu aliri mushinganyanya, muntu orhaherhe chaha. Birhalimuhemere ahungame ebyaha byage.—w23.03, buk. 5.

Gurhe rhwakarhabala abandi bahaane ebishubizo oku mbuganano?

Rhwakahaana ebishubizo biyufurire y’abandi nabo bagwarha akasanzi k’okushubiza. Rhumenye rhwaderha binene ku buli wazo. Ahola abandi banapata ewazo baderhako.—w23.04, buk. 23.

Bichi “Enjira y’Obuchesibwa” eli omu Isaya 35:8 ederheere?

Ech’oburhanzi, elila barabara ly’omufano lishushanyize ebarabara Abayahudi bageragamo barhenga e Babiloni baja omu chihugo chabo. Gurhe si oku bilolere amango mahanola hofi hofi? Omu magana m’emyaka m’embere w’omwaka gwa 1919, hali amakasi m’okurheganya malikolerwe, k’okuderha akasi k’okutafsiri Ebiblia n’okuyiforomola. Abantu ba Mungu bali babalama omu “Njira y’Obuchesibwa” eganire oku paradizo y’ekiroho, eyerekeze oku migisho y’Obwami.—w23.05, buk. 15-19.

Mezali sura 9 erhuhere amahano mayumangiire oku bilolere bakazi bahe babiri b’omufano?

Echitabu cha Mezali chiderhere oku “mukazi w’echinganyi” ey’obulalike bwage buyerekeze oku “Shinda,” n’obulalike ‘b’obwengehe b’okuli,’ bushushanyizwe n’omukazi, ey’obulalike bwage buyerekeze oku “njira y’obumenyi” n’okukalamo. (Mez. 9:1, 6, 13, 18)—w23.06, buk. 22-24.

Nka gurhe obwirhohye n’obwinja bwa Mungu byalibonekene omu nganiro yage haguma na Loti?

Yehova abwira Loti arhenge e Sodoma alibirhire omu eneo y’emisozi. Amango Loti ahema okw’alibirhire e Zoari ahali h’okuja mw’eyola eneo y’emisozi, Mungu amuyemerera.—w23.07, buk. 21.

Bichi omukazi akajira nk’eba y’alola epornografi?

Akwanene kuyibuka oku lirhali gosa lyage. Akwanene kuchiseza oku bwira bwage haguma na Mungu n’okuwaza bwenene oku ngani zili omu Biblia z’abakazi baligwerhe emilago aliko bapata echirhulirizo emwa Mungu. Akarhabala eba ayake ehali zakamuhanyagaza bwenene.—w23.08, buk. 14-17.

Amango rhwamageregezwa eju y’obwemere bwerhu, nka gurhe obumenyi bwakarhurhabala rhurhulere?

Rhwakabona echibazo changwa echigeregezo nka njira y’okumenya bichi owindi muntu ali awazako changwa ebimulazize. Omu kujira ntyo rhwanaba eyi rhuli tayari kushubiza eyi rhunarhulerere.—w23.09, buk. 17.

Bichi omufano gwa Mariya gwakarhuyigiriza oku bilolere okugwarha emisi?

Abere amenya oku yiwakabere nyina wa Masiya, Mariya agwarha emisi kugerera abandi. Gabrieli na Elizabeti baheba Mariya omurhima kugerera Amandiko. Nerhu rhwakagwarha emisi kugerera aberhu Bakristu.—w23.10, buk. 15.

Nka gurhe Yehova akashubiza oku masala merhu?

Alaganyize okw’ayunviriza amasala merhu n’okulola bwinja okuntu mapatene n’omuhigo gwage. (Yer. 29:12) Akashubiza oku masala mali kuguma omu njira zilengene, aliko amango moshi alema arhurhabala.—w23.11, buk. 21-22.

Waroma 5:2 haderhere oku bilolere “obulangalire,” aliko bulagurhe bushubire kuganirwako omu mustari gwa 4?

Amango Omuntu amayunva emyazi minja, akagwarha obulangalire b’okusiimira akalamo omu gulu lye paradizo. Aliko okw’anali ahurana ebigeregezo, anabilembera n’okuchibonera okuntu Mungu y’amurhabala, obulangalire bwage bwakakomera bwenene n’okubonekana oku buli b’okuli.—w23.12, buk. 12-13.