Oku Babalirwa Ebyaha Amango Enchungu Erhaliza Kuhanwa

Ebyaha byerhu byakababalirwa kugerera enchungu y’enterekero Yesu alipaga omu kushesha eshagama yage. (Efe. 1:7) Nechi, Ebiblia ederhere ntya: “Mungu omu kulembera ababalire ebyaha byajirwaga omu mango magerere,” k’okuderha, embere Yesu ahane enchungu. (Ro. 3:25, amahugulo m’eshishi) Gurhe Yehova akagalire kubabalira ebyaha embere enchungu ehanwe, anagenderere kubera Mungu we haki?

Yehova alilaganyize “oluburho” lwakayokwere balala bakagwarhire obwemere muye, n’omu chilagane chage. Amango ahana echola chilagane, aliri nk’amalire kulipa enchungu. (Mwa. 3:15; 22:18) Mungu alimenyere oku kweri omu kasanzi kage ka kwanene, Omugala akahanire enchungu oku bulonza. (Gal. 4:4; Ebr. 10:7-10) Amango Yesu aliri hanola oku gulu, Yehova alimuhere obuhashe b’okubabalira ebyaha embere enchungu ehanwe. Yesu akababalire ebyaha bya balala bagwerhe obwemere, bulala alimenyere okw’enterekero akahanire yakashukulire ebyaha byabo.—Mt. 9:2-6.