SOMO LYA 28
Myazi Michi Ebonekene oku Site Yerhu ye Enternete?
Franse
Polonye
Risi
Yesu Kristu alibwirere abanafunzi bage ntya: “Muleke obumoleke bwenyu bumoleke embere za bantu, yi babona ebijiro byenyu binja n’okukuuza Yisho w’embingu.” (Matayo 5:16) Yi rhujira ntyo, rhunakolesa bwinja obuhanga (eteknolojia) bwa mu zinola siku, nk’enternete. Oku site yerhu ye Enternete, jw.org, wakabona emyazi oku bilolere obuyemere bw’Abahamirizi ba Yehova n’akasi kabo. Myazi michi wabona kw’eyola site?
Ebishubizo bye Biblia oku bibazo abantu banazigana kuchibaza. Wabona ebishubizo bye bibazo biguma-biguma by’akamaro bwenene abantu banachibaza. Omufano, etrakte Hali Olusiku Amalibuko Nji gahwa si? na Abafire Nji Bakashuba Kulama si? Zakabonekana oku Enternete omu ndimi zirhalwise 900. Wakabona Tafsiri ya Ulimwengu Mupya mu ndimi zirhalwise 170 na bitabu binene binarhabala okuyiga Ebiblia. Omufano, wakabona echitabu Bichi Ebiblia Erhuyigirize? n’amagazeti ma buno m’Omunara g’Omulanzi na Amuka! Wakasoma changwa okuyunviriza bitabu binene mw’ebila oku site yerhu ye Enternete. Changwa wakabirhola omu format bantu banene banakolesa bwenene nka MP3, PDF, changwa EPUB. Wakachapisiza n’omuntu osimisizwe bifungo bilebe by’echitabu chilebe omu lulimi lwage! Amavideo m’ebitabu mabonekene n’omu ndimi z’orhuduma. Wakarhola n’obusomi bwe Biblia buli nka tiyatre, Etiyatre zirhengerere omu Biblia n’enyimpo zinja wakayunviriza amango oli wahumuka.
Emyazi y’okuli eju y’Abahamirizi ba Yehova. Oku site yerhu ye Enternete kuli emyazi n’ama video mahanola hofi oku bilolere akasi kerhu k’omu gulu lyoshi, ebinahikira Abahamirizi ba Yehova n’akasi kerhu k’okuhana oburhabale amango m’obuhanya. Kandi oku site yerhu, wakabona emyazi oku bilolere embuganano zikulu zayinjire, adrese n’enimero z’etelefone z’amabiro merhu m’omurhabi.
Kugerera esite yerhu ye Enternete, rhunamoleka obumoleke bw’okuli kugera omu ngambo za hale z’egulu. Enarhabala abantu babuli chihugo, chiro n’abantu be Antaraktike. Rhulirhwasalira “y’omwazi gwa Yehova gugenderera kuyenera juba-juba” omu gulu lyoshi, eju y’obukuuze bwage.—2 Watesalonike 3:1.
Gurhe esite yerhu jw.org enarhabala bantu banene bayige okuli kwe Biblia?
Bichi wakasima olonze oku site yerhu ye Enternete?