Yesu Kristo Ali Inde?

1. Ngahe akalamo ka Yesu karhangiriraga?

Yesu arhaba kuguma n’abandi bantu, kwabulala embere y’okuba oku igulu alirhangiri lama embingu eli ali ciremwa c’omuka. (Yohana 8:23) Yesu aliri ciremwa cirhanzi ca Yehova kandi agwasize omu kulema ebindi bintu byoshi. Ye walemwaga na Yehova yenyine cecirhuma ayirikwa “mwana muburhwa muguma wa Yehova.” (Yohana 1:14) Kwabulala Yesu aliri ntumwa oku bindi bilemwa byoshi kandi ayirikwa “Mwazi.”​—Soma Methali 8:22, 23, 30; Wakolosai 1:15, 16.

2. Bici byarhumaga Yesu ayinja hanola oku igulu?

Kusudi Yesu ahike hanola oku igulu, Mungu ahamisize akalamo kage kurhenga embingu akaheba omunda y’omubikira Muyahudi oyirikwa Maria. Ebyola biderhere oku eshe wa Yesu arhaliri muntu (Luka 1:30-35) Yesu ayinjaga hanola oku igulu (1) kurhuyigiriza okuli kuyerekere Mungu, (2) kurhuyereka gurhe rhwakamuyiganya kukola obulonza bwa Mungu naciro rhwakaba rhuli omu mateso, (3) n’okuhana akalamo kage nka “ ncungu.”​—Soma Matayo 20:28.

3. Bici birhumire rhwakenera encungu?

Encungu gali malipo omuntu alipa y’acungula omuntu okala kufa. (Kutoka 21:29, 30) Amango Mungu alemaga abantu arhalibalemere mpu bashaje banafe. Bici birhumire rhwaderha intyo? Mungu abwirire Adamu omuntu murhanzi oku nj’akakola “ecaha,” nj’afa. Nka Adamu arhakolaga ecaha, akalamire esiku zoshi. (Mwanzo 2:16, 17; 5:5) Ebiblia ederhere oku ecaha cayingiraga omu igulu “kugerera” Adamu. Ebyo byarhumire Adamu alaga abana bage ecaha n’olufu. Rhukenere encungu y’okurhufumya eci kihano c’olufu Adamu arhulagaga.​—Soma Waroma 5:12; 6:23.

Inde wakajuhire eyi ncungu yarhufumya olufu? Omuntu agafa anajuha edeni ly’ebyaha byage yenyine. Nta muntu okola ebyaha wakajuha ebyaha by’abandi.​—Soma Zaburi 49:7-9.

4. Bici byarhumaga Yesu afa?

Yesu arhali kuguma nerhu kwabulala nta caha ali gwerhe. Yewe arhali afa kugerera ebyaha byage kwabulala nta caha na ciguma akolere. Ecisomeze afire enyanya y’ebyaha by’abandi. Mungu ayerekene obuzigire bwage buli enyanya amango alika omwana wage y’arhufira. Yesu naye arhuyerekere obuzigire ayemera kukenga Eshe ahana akalamo kage oku byaha byerhu.​—Soma Yohana 3:16; Waroma 5:18, 19.

Olole Evideo Charhumaga Yesu Afa?

5. Bici Yesu ali akola buno?

Amango Yesu aliri hano oku igulu, afumize abalwala, afula abafu, anagwasa abali hofi gufa. Omu kujira intyo, aliyerekene ebi nj’akolera abantu boshi bakenga Mungu omu siku zayinja. (Matayo 15:30, 31; Yohana 5:28) Enyuma y’okufa, Mungu afulire Yesu eli ali cilemwa c’omuka. (1 Petro 3:18) Yesu ali lingirize ebulyo bwa Mungu kuhika akasanzi Mungu ali amuhera Obwami y’arhegeka egulu lyoshi. (Waebrania 10:12, 13) Zene Yesu ali mwami orhegekera embingu kandi abanafunzi bage bali batangaza emyazi minja omu igulu lyoshi.​—Soma Danieli 7:13, 14; Matayo 24:14.

Hano hofi, Yesu akolesa emisi yage nka mwami y’amala amateso moshi n’okuhana bala banamalerha. Bala boshi bayemera Yesu n’okumukenga nji babona akalamo k’esiku zoshi omu paradizo hano oku igulu.​—Soma Zaburi 37:9-11.