SOMO LYA 53
Ochishoge Ebi Wachisimisa Nabyo Bisimisize Yehova
Yehova ali “Mungu w’obusime.” (1 Timoteo 1:11) Alonzeze rhugwarhe omwishingo rhunasiimire akalamo. Anasima amango rhwamarhola akasanzi k’okuhumuka enyuma w’akasi. Mu linola somo rhwabona nka gurhe rhwakakolesa ebyola bisanzi by’okuhumuka omu njira esimisize, rhuyunve rhutoshekere—aliko eyi rhunasimisize Yehova.
1. Bichi rhukwanene kuyibuka amango m’okuchishoga ebi rhwachisimisa nabyo?
Bichi onasima kujira amango oli waluhuka? Baguma banasima kugeza ebyola bisanzi ahambuga—basome ebitabu, bayunvirize omuziki, bakulikire efilme changwa baje oku Enternete. Abandi banasima kugeza ebyola bisanzi haguma n’abera—bachilambagize, baje kuyoga, bajire n’amandi masharha haguma. Bibe bintu bichi rhwachishogere kuchsimisa nabyo, bihemere rhulole akaba “biyemererwe na Waliha.” (Waefeso 5:10) Bihemere rhuyunve ebila bwinja bulala, ebinene abantu banachisimisamo zene, biba mw’ebi Yehova ashomba nk’obubandi, obukarange, awo obushake. (Osome Zaburi 11:5.) Bichi byarhurhabala rhuchishoge omu kuntu kuyengehere ebi rhwachisimisa nabyo?
Rhukachishoga abera bazigire Yehova, barhurhabala amango rhwamachishoga eby’okuchisimisa nabyo. Nk’okurhwanabonaga omu somo ligerere, “owalambagira n’omwengehe naye aba mwengehe.” Aliko rhukahanza rhwalambagira n’abantu barhasimire Yehova, “rhwasherera.”—Mezali 13:20.
2. Bulagurhe bili by’akamaro rhulole bisanzi bingana gurhe rhuli rhwamala omu kuchisimisa?
Chiro akaba ebi rhwachishogere kuchisimisa nabyo birhabihire, bihemere rhuchilange rhurhayinja rhwamala mu bisanzi binene. Bulala, byakarhuma rhurhapata ebisanzi bitosheze by’okukola ebintu by’akamaro bwenene. Ebiblia erhuhirire omurhima “rhukolese ebisanzi [byerhu] bwinja nk’okubyakashoboka koshi.”—Osome Waefeso 5:15, 16.
HUMBA BWENENE
Lola gurhe wakachishoga bwinja ebi wachisimisa nabyo.
3. Ochiyasye eby’okuchisimisa nabyo bibihire
Bulagurhe rhukwanene kukenguka amango m’okuchishoga ebi rhwachisimisa nabyo? Ziha EVIDEO, muje mwaganira kw’ebila bibazo.
Nka gurhe amasharha m’omu Roma ya mira mashushire n’ebintu by’okuchisimisa bili zene?
Mw’eyila video, bichi Danny alirhegerere oku bilolere eby’okuchisimisa nabyo?
Osome Waroma 12:9, muje mwaganira kw’echila chibazo:
Nka gurhe olu lwandiko lwakakurhabala ochishoge bwinja eby’okuchisimisa nabyo?
Bintu bihe biguma bili omu bi Yehova ashomba? Osome Mezali 6:16, 17 na Wagalatia 5:19-21. Enyuma y’okusoma buli lwandiko muganire kw’echila chibazo:
Bihe biguma biderherwe mw’amala mandiko biyalire omu masharha ma zene?
Ochishoge ebi wachisimisa nabyo oku bwengehe
Ochibaze:
Bichi? Bili mw’ebi Yehova ashomba si?
Mangochi? Byalya akasanzi k’okukola eby’akamaro bwenene si?
Bande? Ka byarhuma nakomerana n’abantu barhasima Yehova?
Kuli kuchilerhera obulanzi bwenene, nk’omuntu agerere hale n’ebyakamulerhera obuhanya. Chechirhumire rhukwanene kuchiyasa na buli chintu ch’okuchisimisa nacho rhuli rhwabona nka chirhali chinja
4. Okolese ebisanzi byawe oku bwengehe
Ziha EVIDEO, muje mwaganira kw’echila chibazo.
Chiro akaba K’oyula mwene-werhu oyerekenwe omu video, aliri abona nk’ebi ali achisimisa nabyo birhabihire, chibazo chihe aliyinjire kubona chamujirire?
Osome Wafilipi 1:10, muje mwaganira kw’echila chibazo:
Nka gurhe olula lwandiko lwakakurhabala omenye bisanzi bingana gurhe wageza omu by’okuchisimisa?
5. Ochishoge amasharha menja
Chiro akaba oku eby’okuchismisa nabyo binene biba bigayisize Yehova, hali na bindi bintu binene bishagalusizye birhamugayisa. Osome Muhubiri 8:15 na Wafilipi 4:8, muje mwaganira kw’echila chibazo:
Bichi osima kuchisimisa nabyo?
Wakasiimira amasharha menja n’okuluhuka
HALI ABANTU BANADERHA: “Nta chibazo chiliho omu kuchisimisa n’ebintu bili mw’eby’obubandi, obumaguza, obushake, nka ntanali nabijira.”
Gurhe woyo wakaderha?
OKU BUGEKE
Yehova alonzeze rhuchishoge rhunachishagalusye n’ebintu binja by’okuchisimisa.
Rhuchiyibusye
Bintu nyabachi by’okuchisimisa Abakristu bakwanene kuyaka?
Bulagurhe rhukwanene kugerereza bisanzi bingana gurhe yi rhwamala omu by’okuchisimisa?
Bulagurhe olonzeze kuchishoga eby’okuchisimisa nabyo bisimisize Yehova?
EYINDI MYAZI
Lola ebi rhunachishoga kuchisimisa nabyo, biba eyi bili oku rhwe lyande.
“Haba Evideo, Ebitabu, awo Enyimpo Abahamirizi ba Yehova Baba Balahize Si?” (Mwazi guli oku jw.org)
Lola nka gurhe wakachishoga bwinja eby’okuchisimisa nabyo omu bisanzi byawe by’okuluhuka
Omu ngani “Nazinda Eyi Nahimire Engeso Zani Zibi,” lola echarhumaga mulume muguma ahindamula ebyanachisimisa nabyo.
“Ebiblia Enahindamula Akalamo k’Abantu” (Omunara g’Omulanzi, Lusiku 1, Mwezi gwa 2, 2010)
Lola gurhe mukazi muguma arholaga esimikiro eyengehere oku bilolere eby’okuchisimisa nabyo bili mw’engani zʼabazimu abazimu.