SOMO LYA 54
“Omuja Mwimana Onakengukire” ye Nde na Bichi Anakola?
Yesu ye Rhwe ly’echibaga che Chikristu. (Waefeso 5:23) Zene, Yesu ali mbingu, aliko ali ayerekeza abakozi bage bali oku gulu kugerera “omuja mwimana onakengukire.” (Osome Matayo 24:45.) Bulala Yesu yewe yenyine ye mushimikire, oyola “muja” akwanene kuba eyaherhe oburhwali, aliko chirhabuzize arhayorha eyanali muja wage, anali akolera bene-babo Kristu. Oyola muja ye nde? Na gurhe ali arhushishikala?
1. “Omuja mwimana onakengukire ye nde”?
Esiku zoshi Yehova ayinjire akolesa omulume changwa echigusho chigeke ch’abalume omu kuyerekeza abantu bage. (Malaki 2:7; Waebrania 1:1) Enyuma y’olufu lwa Yasu, entumwa n’abashamuka baliri e Yerusalemu, barhondera kuyerekeza abantu ba Mungu. (Matendo 15:2) Intyo kon’oko, zene echigusho chigeke ch’abashamuka; k’okuderha Ebaraza Lirhambwire ly’Abahamirizi ba Yehova, chili charheganya ebilyo by’ekiroho n’okuyerekeza akasi k’amahubiri. Echo chigusho ye ‘muja mwimana onakengukire [Yesu] ashimikire.’ (Matayo 24:45a) Boshi baba omu Baraza Lirhambwire, baba Bakristu bashigwa n’eroho bagwerhe obulangalire b’okubugana Yesu omu Bwami bwage bwe mbingu amango bamamala akalamo kabo oku gulu.
2. Bilyo bihe by’ekiroho omuja mwimana anarheganya?
Yesu aliderhere ok’omuja mwimana onakengukire alikwanene “kuha [ababo Bakristu] ebilyo byabo omu kasanzi kakwanene.” (Matayo 24:45b) Nka kulala ebilyo binarhurhabala rhugwarhe emisi y’omubiri n’amagala menja, kon’oko ebilyo by’ekiroho, k’okuderha empanulo zili omu Chinwa cha Mungu, zinarhurhabala rhuyorhe bemana ku Yehova n’okukola bwinja akasi Yesu arhuhere. (1 Timoteo 4:6) Rhunahaabwa ebilyo by’ekiroho kugerera embuganano, embuganano zikulu, ebitabu biyumangiire oku Biblia, n’evideo. Ebyola byoshi binarhurhabala kuyunva obulonza bwa Mungu n’okukomeza obwinra bwerhu haguma naye.
HUMBA BWENENE
Lola bulagurhe rhukenere “omuja mwimana onakengukire”; k’okuderha Ebaraza Lirhambwire.
Ebaraza Lirhambwire linaha Abahamirizi b’omu gulu lyoshi ebilyo by’ekiro, obwerekezi, n’oburhabale bukenerwe
3. Abantu ba Yehova bakwanene bapangwe bwinja
Kugerera obwerekezi bwa Yesu Kristu, Ebaraza Lirhambwire, linapanga bwinja-bwinja akasi k’Abahamirizi ba Yehova. Intyo ku byanaliri omu mango m’Abakristu ba burhanzi. Ziha EVIDEO.
Osome 1 Wakorinto 14:33, 40, muje mwaganira kw’echila chibazo:
Nka gurhe amala mandiko mayerekene oku Yehova alonzeze abantu bage bapangwe bwinja?
4. Omuja mwimana anapanga akasi kerhu k’okuhubiri
Okuhubiri k’akasi k’akamaro bwenene Abakristu ba burhanzi baliri bakola. Osome Matendo 8:14, 25, muje mwaganira kw’ebila bibazo:
Bande baliri bayerekeza akasi k’okuhubiri amango m’Abakristu ba burhanzi?
Gurhe Petro na Yowane balijirire amango bapata obwerekezi burhengerere oku zabo ntumwa?
Okuhubiri k’akasi k’akamaro bwenene Ebaraza Lirhambwire linapanga. Ziha EVIDEO.
Yesu aliyerekene kangana gurhe akasi k’okuhubiri kali k’akamaro. Osome Marko 13:10, muje mwaganira kw’ebila bibazo:
Bulagurhe Ebaraza Lirhambwire linabona oku akasi k’okuhubiri kali k’akamaro?
Bulagurhe rhukenere “omuja mwimana onakengukire” omu kupanga akasi rhuli rhwakola omu gulu lyoshi?
5. Omuja mwimana anarhuha obwerekezi
Ebaraza Lirhamwire linahaana obwerekezi oku Bakristu b’omu gulu lyoshi. Nka gurhe banachishoga obwerekezi bahaana? Yunva gurhe ebaraza lirhambwire ly’Abakristu ba burhanzi lyaliri lyajira ntyo. Osome Matendo 15:1, 2, muje mwaganirira kw’ebila bibazo:
Bichi byalilerhere okurhayunvikana omu Bakristu ba burhanzi?
Bande Paulo, Barnaba n’abandi, balihemere bamale echola chibazo?
Osome Matendo 15:12-18, 23-29, muje mwaganira kw’echila chibazo:
Embere ebaraza lirhambwire lya mira lirhole esimikiro, bichi balirhangire kulola yi babona obwerekezi bwa Mungu kw’echola chibazo?—Olole omustari gwe 12, 15, na 28.
Osome Matendo 15:30, 31 na 16:4, 5, muje mwaganira kw’ebila bibazo:
Gurhe Abakristu ba burhanzi balijirire amango bapata obwerekezi burhengere oku baraza lirhambwire?
Gurhe Yehova aligishire okukenga kwabo?
Osome 2 Timoteo 3:16 na Yakobo 1:5, muje mwaganira kw’echila chibazo:
Ngahe Ebaraza Lirhambwire lya mu manola mango linalolera obwerekezi embere barhole esimikiro?
HALI ABANTU BANADERHA: “Nk’oli wayunviriza Ebaraza Lirhambwire, eyi bantu b’oliwakulikira.”
Bichi bikuyemezeze oku Yesu y’eli wayerekeza Ebaraza Lirhambwire?
OKU BUGEKE
Ebaraza Lirhambwire ye “muja mwimana onakengukire” Yesu ashimikire. Linahaana obwerekezi bw’ekiroho oku Bakristu b’omu gulu lyoshi.
Rhuchiyibusye
Nde washimikire “omuja mwimana onakengukire”?
Nka gurhe Ebaraza Lirhambwire linarhushishikala?
Oyemerere oku Ebaraza Lirhambwire ye “muja mwimana onakengukire” si?
EYINDI MYAZI
Lola gurhe Ebaraza Lirhambwire linachipanga omu kukola akasi kalyo.
“Ebaraza Lirhambwire ly’Abahamirizi ba Yehova che Chichi?” (Mwazi guli oku jw.org)
Lola gurhe Ebaraza Lirhambwire linachihangana omu kuntu rhupate ebilyo by’ekiroho bikwanene.
Nka gurhe Ebaraza Lirhambwire linachiyunva oku bilolere akasi Yesu abahere bakole?
Nka gurhe embuganano zerhu z’echibaga n’embuganano zikulu binayerekana oku Yehova y’eli ayerekeza Ebaraza Lirhambwire?