SOMO LYA 55
Orhabale omu Chibaga Chawe
Omu gulu lyoshi, emiliyoni y’abantu yi yakolera Yehova n’obusime omu bihumbi by’ebibaga. Baherhe eshukurani oku mpanulo n’obwerekezi banahaabwa, banaba basimire okurhabala echibaga mu njira zinene. Intyo ku nawe onayunva oku bilolere echibaga chawe si?
1. Njira zihe ziguma wakakolesa mw’ebisanzi n’emisi yawe omu kurhabala echibaga?
Buli muguma werhu aherhe okw’akarhabala echibaga. Omufano, omu chibaga chawe hali abakala bashaja changwa ebilema si? Wakarhabala kubachumbagiza kugera uku chumbi ly’obwami si? Changwa si hali ebindi wakabarhabalamo, nk’okuja kubagulira ebintu awo okukola obusafi omu mwabo? (Osome Yakobo 1:27.) Kandi rhwakaba bavolontere b’okurhabala kukola obusafi n’okukwiza e Chumbi lyerhu ly’Obwami. Ntaye onarhushunika kujira ebyola byoshi. Obuzigire rhuherhe ku Yehova bunarhushunika “rhuchihaane [rhwewe rhwenyine] oku bulonza.”—Zaburi 110:3.
Kandi Abahamirizi babatizizwe bakarhabala echibaga omu zindi-zindi njira. Bene-berhu bayeneze ebye Biblia ehemere bakarhabala echibaga omu kuba bagwasi, n’enyuma w’esiku, banaba bashamuka. Bene-berhu, bali-berhu, boshi bakarhabala bwenene omu kasi k’amahubiri omu kuba bapainiya. Hali abandi Bahamirizi bakarhabala kuyumbaka efasi z’okuharamizya, changwa banahamira ahantu echibaga chikenere oburhabale.
2. Gurhe rhwakakolesa efuranga n’ebirugu byerhu omu kurhabala echibaga?
Rhwaka “kengesa Yehova kugerera ebintu [byerhu] by’akachiro.” (Mezali 3:9) Rhunabona oku luli lukengo okusholola efuranga n’ebindi bintu rhuherhe omu kurhabala echibaga n’akasi k’okuhubiri omu gulu lyoshi. (Osome 2 Wakorinto 9:7.) Kandi enshololo zerhu zinakoleswa omu kurhabala amango m’echinjira. Banene banachishoga “okuhira echintu eburhambi” bayinja basholola oku kahunda. (Osome 1 Wakorinto 16:2.) Rhwakahaana enshololo zerhu kugerera orhusanduku rhuba rhuhirirwe aha rhunaharamizya changwa kugerera Entrnete oku donate.jw.org. Yehova arhuhere orozo l’okumuyereka obuzigire kugerera okuntu rhunachishoga kukolesa ebirugu byerhu.
HUMBA BWENENE
Lola njira ziguma wakarhabala mw’echibaga.
3. Rhwakakolesa ebirugu byerhu
Yehova asima omuntu onahaana oku bulonza, na Yesu naye konako. Omufano, Yesu alisingize mushumba-kazi muguma waliherhe furanga zigeke zonyine aliko achihangana naye ahaane ensololo. Osome Luka 21:1-4, muje mwaganira kw’ebila bibazo:
Bihemere rhuhaane furanga zinene yi Yehova asima si?
Gurhe Yehova na Yesu banachiyunva oku bilolere enshololo rhunahaana n’omurhima goshi?
Y’obona gurhe enshololo zerhu zinakoleswa, ziha EVIDEO. Muje mwaganira kw’echila chibazo.
Gurhe enshololo zinakoleswa omu kurhabala ebibaga by’omu gulu lyoshi?
4. Wakaba volontere
Abakozi ba Yehova ba mira, baliri bakola n’obushiru omu kukwiza efasi zabo z’okuharamizya. Aliko byalihemere okujira binene olekere okusholola efuranga konyine. Osome 2 Mambo ya Nyakati 34:9-11, muje mwaganira kw’echila chibazo:
Gurhe buli Muizraeli aliri arhabala kukwiziza enju ya Yehova, changwa efasi y’okuharamizya?
Y’obona gurhe Abahamirizi ba Yehova banakukikira olola lwiganyo lwa mira, ziha EVIDEO. Muje mwaganira kw’ebila bibazo.
Bula gurhe bili by’akamaro e Chumbi lyerhu ly’Obwami liyorhe lichere linakwizizwe bwinja?
Njira zihe nawe wakarhabalamo?
5. Bene-berhu bakachihangana bayeneze ebihemerweho, banahaabwa ezindi ngabane omu chibaga
Amandiko mahirire abalume b’Abakristu omurhima bajire byoshi bakagala yi barhabala echibaga. Y’obona omufano, ziha EVIDEO. Oje washubiza kw’echila chibazo.
Mw’eyila video, nka gurhe Ryan alihigirire kurhabala echibaga bwenene?
Ebiblia efasiriye ebi bene-berhu bakwanene kuyeneza yi baba bagwasi b’akasi na bashamuka. Osome 1 Timoteo 3:1-13, muje mwaganira kw’ebila bibazo:
Bichi bene-berhu bahigirire kuba bagwasi b’akasi na bashamuka bakwanene kuyeneza?
Gurhe emilala yabo nayo ekwanene kuba ey’eli?—Olole omustari gwa 4 n’ogwe 11.
Amango bene-berhu bamachihangana kuyeneza ebihemerweho, nka gurhe buli muguma omu chibaga anayunguka?
HALI OWAKABAZA: “Ngahe Abahamirizi ba Yehova banakula efuranga z’okukola akasi kabo?”
Gurhe wakamushubiza?
OKU BUGEKE
Yehova anasima bwenene okubona gurhe yi rhwachihangana kurhabala echibaga omu kukolesa ebisanzi, emisi, n’ebirugu byerhu
Rhuchiyibusye
Gurhe rhwakakolesa ebisanzi n’emisi yerhu omu kurhabala echibaga?
Gurhe rhwakakolesa ebirugu byerhu omu kurhabala echibaga?
Mu njira zichi osimire orhabale mw’echibaga?
EYINDI MYAZI
Lola echirhumire zene Mungu arhachiba ahemere abakozi bage mpu bahaane echakumi.
“Bichi Ebiblia Ederhere Okubilolere Echakumi?” (Mwazi guli oku jw.org)
Hali makasi maguma Ebiblia ehere abalume babatizwe. Aliko si, gurhe byakaba nka byamahema omukazi obatizwe akole amola makasi?
“Obukulu Abashamuka Bagwerhe omu Chibaga” (Omunara g’Omulanzi, Mwezi gwa 2, 2021)
Ba nka walola Abahamirizi baherhe obushiru, balichihaanire bwenene omu kasi k’okuhekera ababo Bakristu ebitabu.
Lola nka gurhe okuntu rhunabona efuranga z’okugendereza akasi kerhu kuba tofauti bwenene n’okuntu amandi madini manazibona.
“Ngahe Efuranga z’Okugendereza Akasi k’Abahamirizi ba Yehova Zinarhenga?” (Mwazi guli oku jw.org).