Okusimiswa n’Abandi

Okuntu Yesu Alijirire

EVIDEO: Yesu n’Omukazi w’Omusamariya Bali oku Chisima

1. Olole EVIDEO, changwa osome Yohana 4:6-9. Oje wawaza oku bibazo bikulikireho:

1. Bichi Yesu alilolereze k’oyola mukazi w’omusamariya embere arhonderese enganiro?

2. Yesu aderha: “Mpaga oku menji.” Bulagurhe yaliri njira nyinja y’okuhwanzisa enganiro?

Bichi Ogula Mufano gwa Yesu Gurhuyigirize?

2. Ahanene binashobokana okugwarha enganiro nyinja nka rhwayirhondereseze n’omwazi gusimisize oyola muntu.

Oyiganye Yesu

3. Ohindamuke nk’okw’ehali enahemere. Orhahanzikaga mpu mpaka orhonderese enganiro n’omwazi wali warheganyize omu bwenge. Orhonderese enganiro n’omwazi abandi bali bawazako zene. Ochibaze ntya:

1. ‘Myazi ehe eli yagera mu zino siku?’

2. ‘Bichi abaturanyi bani, abanankola nabo, changwa abanansoma nabo bali baderhako?’

4. Obe wakulolereza. Ochibaze ntya:

1. ‘Bichi omuntu aly’ajira mu manola mango? Bichi akaba ey’aly’awazako?’

2. ‘Bichi emyambaro y’omuntu, okuntu abonekene embuga, changwa enju yage bimbwirire oku bilolere obwemere bwage changwa emicho yage?’

3. ‘Kali kasanzi kenja si k’okuganira n’oyula muntu?’

5. Oyunvirize.

1. Omenye waderha binene.

2. Ohebe omuntu omurhima achifasiriye. Oku kasanzi kakwanene, omubaze ebibazo.