Okuyigiriza omu Njira Eyorohere

Gurhe Yesu Alijirire

EVIDEO: Yesu Ali Ahaana Emifano Eyerekene oku Darha Arhulagireko

1. Olole EVIDEO, changwa osome Matayo 6:25-27. Oje wawaza oku bibazo bikulikireho:

1. Nka gurhe Yesu ahaanaga emifano eyerekene oku Yehova arhulagireko?

2. Chiro akaba oku Yesu ayinji bintu binene oku bilolere enyunyi, bintu bihe by’akamaro binayanguhire alisezeze k’obwenge? Bulagurhe eyola eli njira nyinja y’okuyigiriza?

Bichi Ogula Mufano gwa Yesu Gurhuyigirize?

2. Nka rhwamayigiriza omu njira eyanguhire, Rhwahuma abantu oku murhima, banayibuke ebi rhwabayigirize.

Oyiganye Yesu

3. Orhaderhaga binene. Ahali h’okuderha byoshi oyinji oku bilolere chintu chilebe, oseze obwenge oku bimuli mwayiga omu chitabu. Enyuma y’okubaza echibazo, olindire omwanafunzi wawe ashubize. Akaba arhamenyere ejibu changwa alerhere ewazo lirhapatene n’enyigirizo ze Biblia, okolese ebindi bibazo by’okumurhabala awaze k’ogola mwazi. Amango wamabona omwanafunzi wawe ayunvirhe ewazo likulu, wanagenderera.

4. Okolese eby’omwanafunzi wawe ayinji omu kumurhabala ayunve ebihyahya. Omufano, embere murhondere esomo liderhere obufuke, ogalukire oku bugeke eby’omwanafunzi ayigire oku bilolere ehali y’abantu bafire.

5. Okolese emifano bwinja. Embere okolese omufano, ochibaze:

1. ‘Ogula mufano guyorohere si?’

2. ‘Omwanafunzi wani aguyunva juba-juba si?’

3. ‘Gwarhabala omwanafunzi ayibuke ewazo likulu s’arhayorhaga ayibukire omufano gonyine?’