Obushiru

Okuntu Yesu Alijirire

EVIDEO: Yesu Ali Ahanula Omurhegesi w’Omusole Onachirire

1. Olole EVIDEO, changwa osome Marko 10:17-22. Oje wawaza oku bibazo bikulikireho:

1. Ngeso zihe zinja Yesu akaba ey’alibwene mw’oyola murhegesi ochili musole?

2. Bulagurhe byalihemere Yesu agwarhe obuzigire n’obushiru y’ahanula oyola musole?

Bichi Ogula Mufano gwa Yesu Gurhuyigirize?

2. Rhukwanene kuganira n’abanafunzi berhu oku buzigire aliko buzira kubabisha chintu amango rhuli rhwabarhabala bajire amaja-mbere m’ekiroho.

Oyiganye Yesu

3. Orhabale omwanafunzi achihirire h’emihigo anayihikire.

1. Okolese echigabi “Omuhigo” mu buli somo ly’echitabu Siimira Akalamo Esiku n’Amango!

2. Orhabale omwanafunzi achihirire h’emihigo akahikira omu siku zigeke n’eyi nj’ahikira mu siku zinene.

3. Buli mango obwire omwanafunzi wawe koko oku maja-mbere y’ajira.

4. Omenye ebyakamubuza kujira amaja-mbere onamurhabale kubihima.

1. Ochibaze:

   • ‘Bichi bibuzize omwanafunzi wani kujira amaja-mbere kugera oku bubatizo?’

   • ‘Burhabale buhe bubonekene nakamuha?’

2. Osalire y’opata obushiru b’okuganira naye n’obuzigire aliko buzira kumubisha eby’akwanene kujira.

5. Oyumanze efunzo lirhali lyajira amaja-mbere.

1. Olole akaba omwanafunzi wawe anali ajira amaja-mbere omu kuchibaza ntya:

   • ‘Omwanafunzi wani anakolesa eby’anayiga si?’

   • ‘Anaja oku mbuganano z’echibaga n’okubwira abandi oku by’anayiga si?’

   • ‘Akaba wamamala esiku ey’oli wayiga naye, ayerekene kw’alonzeze kuba Muhamirizi wa Yehova si?’

2. Akonva omwanafunzi we Biblia arhalonzeze kujira amaja-mbere:

   • Omubwire awaze bichi byakaba bimubuzize.

   • Omubwire n’amayeri bichi birhumire waleka kuyiga naye.

   • Omumenyese maja-mbere machi akwanene kujira embere mushube mugalukire okuyiga omu mango mayinjire.