Ochihebere Emihigo oku Bilolere Echihe ch’Olwibuko

Buli mwaka, abantu ba Yehova banalingiriza oku nyorha nene okubuganana haguma oku lusiku l’Olwibuko. Maboso manene embere n’enyuma y’Olwibuko, rhunakolesa orozo rhwapatire omu kukuuza Yehova n’okumubwira koko oku luhembo lw’enchungu. (Efe 1:3, 7) Omufano, rhunakola n’omurhima goshi akasi k’okuhamagala abandi bayinje oku Lwibuko. Baguma bakagala kuhindamula ebintu omu kalamo kabo yi baba bapainiya bagwasi bagwerhe omuhigo g’okuhubiri sa 30 changwa sa 50 omu Mwezi gwa 3 changwa gwa 4. Wakasiima kukola binene omu kasi k’okuhubiri omu chihe ch’Olwibuko? Bichi byakakurhabala ogale kujira ntyo?

Buli mango, rhunakola binene amango rhwamachirheganya embere w’akasanzi. (Mez 21:5) Bulala echihe ch’Olwibuko chahwanza hano hofi-hofi, k’akasanzi kanola k’okuchirheganya. Owaze okuntu wakakola binene omu kasi k’okuhubiri omu chihe ch’Olwibuko, onarhole esimikiro oku bilolere okuntu wakahikira emihigo yawe. Naho wanaja wahema Yehova agishe obushiru bwawe.​—1Yo 5:14, 15.

Wakawaza ku njira ziguma wakakolamo binene omu kasi kawe k’okuhubiri omu chihe ch’Olwibuko si?