SOMO 6
Okuyerekana Echirhumire Wasoma Olwandiko
Yohana 10:33-36
OKU BUGEKE: Orhafaga chakusoma olwandiko n’okulibirhira oku ngingo ekulikireho. Ochihangane abonviriza bawe babone ngahe olwandiko lubuganene n’ewazo likulu oli walonza kubayereka.
OKUNTU WAKAJIRA NTYO:
Oyerekane ebinwa bikulu. Ey’omala kusoma olwandiko, oyerekane ebinwa bilulimo bipatene n’ewazo likulu. Wakajira ntyo omu kugalukira ebyola binwa changwa omu kubaza echibazo chakarhabala abonviriza bawe bonyine babone ebinwa bikulu.
Okazize ewazo likulu olonzeze abonviriza bayibuke. Akaba walisasire olwandiko omu kuderha empanvu yarhuma mwalusoma, wanaja wayerekana ebinwa bikulu bifasiriye eyola mpanvu.
Olerhe amafasiriyo mayanguhire. Orhalerhaga amafasiriyo m’eyi n’eyi marhapatene n’ewazo likulu oli walonza kuyigiriza. Y’omala kulola eby’abonviriza bawe bakaba bayinji k’ogola mwazi, wanaja wachishoga bichi na bichi abonviriza bawe balagirire yi bayunva ewazo likulu.