SOMO 11

Obushagaluke

Waroma 12:11

OKU BUGEKE: Osisimule abonviriza bawe onabazusye mw’enyorha y’okukuyunviriza omu kuderha n’obushiru.

Omwazi gurhange guhume oku murhima gwawe. Amango oli wachirheganya owaze bwenene oku kachiro k’oburhumwa bwawe. Omenye bwinja ebiderherwe omu mwazi gwawe omu kuntu oderhe ebinwa birhengerere oku murhima.
Owaze oku b’onviriza bawe. Owaze bwenene nka gurhe ogola mwazi wasoma changwa wayigiriza gwalerhera abonviriza enyungu. Olole gurhe wakabiderha omu kuntu abonviriza babisime n’okubikenga bwenene.
Ogeze omwazi gwawe n’obushagaluke. Oderhe n’obushiru. Ojire amajeste m’omubiri, wanashaganya amalanga omu kuntu kuyerekene bwinja gurhe oli wachiyunva, s’aliko kurhabaga kuchijirisa.

Ochilange orhahugisa abonviriza omu kujira jeste nguma yen’ey’ola. Ojire amajeste mapatene n’eby’oli waderha. Oshagaluke amango okala kuyigiriza ewazo likulu changwa omu kuhira abonviriza omurhima bakolese ebibayunvirhe. Orhavaga washagaluka kukabya omu ngabane yawe yoshi y’orhachokesa abonviriza.