SOMO LYE 12
Bichi Byakurhabala Ogenderere Kuyiga Ebiblia?
Okuyiga Ebiblia luli nka lugenzi luherhe nyungu zinene. Aliko kandi, hali oku byakaba birhayorohere okulugendereza. Hali amango wakachibaza akaba kweri wanagala kugenderera kuyiga Ebiblia. Bulagurhe bili bya ngenzi ochihangane kugenderera? Bichi byakakurhabala ogenderere na chiro haba ebibazo?
1. Bulagurhe efunzo lye Biblia ligwerhe akachiro?
“Echinwa cha Mungu chilamire chinagwerhe emisi.” (Waebrania 4:12) Ebiblia egwerhe akachiro bulala eyerekene ebi Mungu anawaza n’okuntu anachiyunva eju yawe. Enarhurhabala rhugwarhe obumenyi b’okuli, obwengehe, n’obunihire. N’ech’akamaro bwenene, yakurhabala obe mwira wa Yehova. Amango oli wayiga Ebiblia ey’oli wayiyemerera ekwize akalamo kawe.
2. Bulagurhe bili by’engenzi okurhegeera akachiro k’obukweri buli omu Biblia?
Obukweri buli omu Biblia buli nka buhirhi bw’akachiro kanene. Che chirhumire Ebiblia erhuhirire omurhima “rhugule obukweri rhurhanahira rhukabuguza.” (Mezali 23:23) Amango rhwamayibuka akachiro k’obukweri buli omu Biblia, rhwanakola okwerhu koshi rhugalire yi rhugenderera kuyiga; na chiro rhwahurana ebibazo.—Osome Mezali 2:4, 5.
3. Gurhe Yehova akakurhabala ogenderere kuyiga Ebiblia?
Yehova, Mulemi wawe ogala byoshi, kandi Mwira wawe, alonzeze akurhabale ogenderere kuyiga oku bimulolere. Akakuha “enyorha n’emisi y’okukola.” (Osome Wafilipi 2:13.) Bobuno, nka wamahika ahawaba okeneere oyongere obushiru bwawe b’okuyiga awo b’okukolesa eby’onayiga, akakurhabala. Akaba okeneere oyongererwe emisi y’okulwisa ebibazo n’obupinzani akakuhayo. Ogenderere kuhema Yehova omu sala akurhabale orhalekaga kuyiga Ebiblia.—1 Watesalonike 5:17.
HUMBA BWENENE
Lola gurhe wakagala kugenderera kuyiga Ebiblia chiro waba ogwerhe binene by’okukola, n’abandi yibakupinga.
4. Ohebe efunzo lyawe lye Biblia oku fasi y’oburhanzi
Hali amango rhunaba eyi rhugwerhe binene by’okukola omu kalamo, omu kuntu byanashusha nka rhurhachigwerhe akasanzi k’okuyiga Ebiblia. Bichi byakakurhabala? Osome Wafilipi 1:10, muje mwaganira kw’ebila bibazo:
Bichi owazize oku nabyo bili omu “bintu by’akachiro bwenene” omu kalamo?
Gurhe wakajira y’oyerekana ok’onahira efunzo lyawe lye Biblia oku fasi y’oburhanzi?
Nk’orhangire kuhira omuchanga omu mbegeti, okaja walonza kuhira mw’amabale, birhakachiyeneramo byoshi
Nk’orhangire kuhira mw’amabale, mwayorha ebyahu wakasheshera m’omuchanga. K’onakuguma, nk’ohirire “ebintu by’akamaro bwenene” oku fasi y’oburhanzi omu kalamo kawe, wagala kubiyeneza, onabone n’ebisanzi by’okukola ebindi
Efunzo lye Biblia linarhuha ebirhulagirire omu hali yerhu y’ekiroho; k’okuderha okumenya Mungu n’okumuharamya. Osome Matayo 5:3, muje muganira kw’echila chibazo:
Nyungu ehe rhwankapata nka rhwamahira efunzo lyerhu lye Biblia oku fasi y’oburhanzi?
5. Ogenderere chiro bakupinga
Hali amango abandi bantu bakakuvuna omurhima y’orhagenderera kuyiga Ebiblia. Lola ebyaberaga Francesco. Ziha EVIDEO, muje mwaganira kw’ebila bibazo.
Nk’ok’obwene omu video, gurhe bera ba Francesco n’abantu b’omulala gwage balijirire amango aliri ababwira oku by’ayigire?
Nyungu zichi alipatire bulala aligenderere kuchihangana?
Osome 2 Timoteo 2:24, 25, muje mwaganira kw’ebila bibazo:
Gurhe omulala gwawe na bera-bawe banachiyunva oku bilolere eby’oli wayiga?
Nk’ok’olula lwandiko luderhere, gurhe wakajira nka hali abantu bamayerekana oku barhasimisizwe bulala oli wayiga Ebiblia? Bulagurhe?
6. Olibirhire Yehova akugwase
Oku rhuli rhwagenderera kuyegera Yehova, ku n’enyorha yerhu y’okumusimisa yaluga. Byakaba eyi birhayorohere okuhindamula bintu biguma omu kalamo kerhu, yi rhugala kulama omu kukulikiza amakanuni ma Yehova. Akaba nawe onachiyunva ntyo, orhachikaga enungwe. Yehova akurhabala. Ziha EVIDEO, muje mwaganira kw’ebila bibazo.
Nk’oku rhwabwene omu video, bichi Jim alijirire y’asimisa Yehova?
Bichi bikusimisize omu by’alijirire?
Osome Waebrania 11:6, muje mwaganira kw’ebila bibazo:
Bichi Yehova ajirira balala “banamulonza n’omurhima goshi;” k’okuderha balala banachihangana bamumenye banamusimise?
Ebila bikuyerekere oku gurhe Yehova anachiyunva ey’abona oli wachihangana kuyiga Ebiblia?
HALI OWAKABAZA: “Bulagurhe oli wayiga Ebiblia?”
Gurhe wakamushubiza?
OKU BUGEKE
Chiro akaba oku amango moshi birhaba biyorohere, okuyiga Ebiblia kwakakurhabala osiimire akalamo esiku n’amango. Ogenderere kulangalira Yehova, nj’akuha oluhembo.
Rhuchiyibusye
Onabona ok’okuli kwe Biblia kukuherhere akachiro bulagurhe?
Nka gurhe “wakagenderera kurhegeera ebintu bili by’akamaro bwenene”?
Bulagurhe bikuhemere oheme Yehova oburhabale y’ogenderera kuyiga Ebiblia?
EYINDI MYAZI
Lola mayeri mane marhabere bantu banene bakolese ebisanzi byabo oku bwengehe.
“Gurhe Wakakolesa Ebisanzi Byawe Bwinja” (Amuka! Mwezi gwa 2, 2014)
Lola gurhe Yehova arhabalaga mukazi muguma, ey’eba arhaliyunvirhe bulagurhe mukage y’ajira okwage koshi y’asimisa Mungu.
Lola gurhe mulume muguma ayungukaga bulala mukage alichihanganire kugenderera.
Hali amango banakomera Abahamirizi ba Yehova mpu banakoroganisa abantu omu bunyumpa. Aliko si bukweri?
“Abahamirizi ba Yehova Banavuna Obunyumpa bw’Abantu si Awo yi Banabuyumbaka” (Mwazi guli oku jw.org)