SOMO LYA 34
Gurhe Rhwakayereka Yehova ku Rhumuzigiire?
Kurhenga orhondera kuyiga Ebiblia, wachiyunvirhe okala wayegerere hofi na Yehova si? Ka wakasima ogenderere kukomeza obwira bwawe haguma naye? Akaba ntyo kubili oyibuke ok’oku Yehova y’abona obuzigire bwawe kuye yi bwakula, ku naye agenderera kukuzigira n’okukushishikala. Gurhe wakamuyereka ok’omuzigiire?
1. Gurhe rhwakayereka Yehova oku rhumuzigiire?
Rhunayereka Yehova ku rhumuzigiire omu kumukenga. (Osome 1 Yohana 5:3.) Nta muntu anaseza oku amukenge. S’ahubwe anaha buli muntu obuhuru b’okuchishoga akaba amukenga changwa nanga. Bulagurhe? Yehova alonzeze “rhumukenge birhengere oku murhima.” (Waroma 6:17) Omu lwindi luderho, Yehova alonzeze rhumukenge arhali mpu bulala nta kwindi rhwajira, si bulala rhumuzigiire. Echigabi cha 3 n’echa 4 cha chinola chitabu, chirheganyizwe omu kuntu chikurhabale ogale kuyereka Yehova ok’omuzigiire, omu kujira ebinamusimisa n’okuyaka ebinamugayisa.
2. Bulagurhe byakakomera okuyereka Yehova oku rhumuzigiire?
“Omuntu w’okunali ajira bibazo binene.” (Zaburi 34:19) Rhweshi yirhwalwisa okurhashinganana kwerhu. Kandi rhwakaba eyi rhuli rhwahurana ebibazo by’obukeni, oluhinzo, n’ebindi bibazo. Amango rhuli omu bibazo hali oku rhwakabona nka birhayorohere okukola ebi Yehova arhuhemere. Bulala omu mango mali nk’amola biba biyorohere omuntu akole ebirhasimisize Yehova. Aliko amango oli wakola ebi Yehova akubwirire n’omurhima gwawe goshi, wanayerekana ok’omusimire kulusha echindi chintu choshi-choshi. Kandi wanayerekana kangana gurhe oli mwimana kuye. Naye oku bwage aba mwimana ku woyo; na nta mango nji akulekerera.—Osome Zaburi 4:3.
HUMBA BWENENE
Lola bulagurhe okukenga kwawe kunasimisa Yehova, na bichi byakakurhabala ogale kumukenga.
3. Echibazo chikulolere nawe
Nk’oku echitabu ch’omu Biblia cha Yobu chiyerekene, Shetani alisidakire arhali Yobu yenyine, si na buli muntu olonzeze kukolera Yehova. Osome Yobu 1:1, 6–2:10, muje mwaganira kw’ebila bibazo:
Nk’oku Shetani ayerekanaga, bichi byarhumaga Yobu akenga Yehova? (Olole Yobu 1:9-11.)
Bichi Shetani aderhere oku bilolere abantu boshi, baheberwe mu nawe? (Olole Yobu 2:4.)
Osome Yobu 27:5b, muje mwaganira kw’echila chibazo:
Gurhe Yobu aliyerekene oku kweri azigiire Yehova?
Yobu aliyerekene oku azigiire Yehova omu kuyorha mwimana kuye
Rhunayerekana oku rhuzigiire Yehova omu kuyorha bemana kuye
4. Osimise omurhima gwa Yehova
Osome Mezali 27:11, muje mwaganira kw’ebila bibazo:
Gurhe Yehova anachiyunva amango wamakola omu bulyo buyengehere n’okumukenga? Bulagurhe?
5. Wakagala kuba mwimana ku Yehova
Obuzigire bwerhu ku Yehova bunarhushunika rhubwire abandi oku bimulolere. Obwimana bwerhu kuye bunarhushunika rhujire ntyo chiro akaba birhayoroheze. Ziha EVIDEO, muje mwaganira kw’ebila bibazo.
Hali amango onayunva nka bikomere okubwira abandi oku bilolere Yehova si?
Nk’oku wabwene omu video, bichi byarhabalaga Grayson ahime obuba?
Byakayoroha okuba mwimana ku Yehova nka rhusimire ebyasima n’okushomba ebyanashomba. Osome Zaburi 97:10, muje mwaganira kw’ebila bibazo:
Nk’oku wayigire, bihe biguma wakaderha omu bi Yehova asima? Bihe wakaderha omu by’ashomba?
Gurhe wakayiga kusima ebinja n’okushomba ebibi?
6. Okukenga Yehova kunarhulerhera enyungu
Okukenga Yehova esiku zoshi kuba kwinja loshi. Osome Isaya 48:17, 18, muje mwaganira kw’ebila bibazo:
Owazize okw’amango moshi Yehova aba amenyere ebyakaba binja ku rhwewe si? Bulagurhe?
Gurhe efunzo lyawe lye Biblia, n’okumenya Mungu w’okuli Yehova byakulerhere enyungu kugera bunola?
HALI ABANTU BANADERHA: “Ebijiro byani ntacho bibwirire Mungu.”
Lwandiko luhe wakakolesa omu kuyerekana kw’ebijiro byerhu binasimisa changwa bigayise Yehova?
OKU BUGEKE
Wakayerekana k’ozigire Yehova omu kumukenga, n’okuyorha mwimana kuye chiro haba ebibazo.
Rhuchiyibusye
Bichi omufano gwa Yobu gukuyigirize?
Gurhe wayerekana k’ozigiire Yehova?
Bichi byakurhabala oyorhe mwimana ku Yehova?
EYINDI MYAZI
Lola gurhe wakaba mwimana ku Yehova n’oku chibaga che Chikristu.
Yiga binene oku bilolere ebi Shetani asidakire abantu.
“Yobu Aligendereze Obwimana Bwage”(Ebiblia—Burhumwa Buhe Bulimo? chigabi cha 6)
Lola gurhe chiro n’abachili bana bakayerekana oku bazigiire Yehova.
Gurhe omuntu ochili omusole oli wahurana akahidiko k’eyindi misole akagenderera kuba mwimana ku Mungu?