SOMO LYA 45
Okurhaba ku Lunda Lulebe k’Okuderha Gurhe?
Yesu alibwirire abanafunzi bage oku barhakwanene kuba chigabi ch’elila gulu. (Yohana 15:19) Echola chihebere m’okurhaba ku lunda lulebe; k’okuderha, kurhachiheba omu by’epolitike changwa by’evita. Omu kuderh’okuli, amango moshi birhaba biyoreheze okurhaba ku lunda lulebe. Hali okw’echola chakarhuma abantu barhusuzagura. Nka gurhe rhwakayorha eyi nta lunda rhuliko n’okuyorha bemana ku Yehova Mungu?
1. Gurhe Abakristu b’okuli banabona oburhegesi bw’abantu?
Abakristu banakenga oburhegesi. Rhunajira nk’oku Yesu anaderhaga mpu “muhe Kaizari ebintu bya Kaizari”—ch’echola che chinarhuma rhunakenga esheria z’echihugo rhulimo, nk’ezihemere rhulipe ebitansi. (Marko 12:17) Ebiblia eyigirize oku amarhegesi ma bene-abantu machili marhegeka bulala Yehova amalekere marhegeke. (Waroma 13:1) Che chirhumire rhuba eyi rhumenyere oku chiro akaba abantu baherhe oburhwali, burharhalukire obwa Mungu. Mungu werhu yi rhulolereko n’Obwami bwage b’omu mbingu, oku b’obufumu bw’ebibazo byoshi by’abantu.
2. Gurhe rhwakayerekana oku nta lunda rhuliko?
Kuguma na Yesu, rhurhachihira omu by’epolitike. Amango abantu babonaga chiguma omu bisomerene Yesu aliri ajira, balonza oku bamujire mwami wabo hanola oku gulu aliko arhabayemereraga. (Yohana 6:15) Bulagurhe? Bulala buzinda alijire aderha, “Obwami bwani chirhali chigabi ch’elila gulu.” (Yohana 18:36) bobuno rhwewe nka banafunzi ba Yesu, rhunayerekana oku nta lunda rhuliko mu njira zinene. Omufano, rhurhaja omu vita. (Osome Mika 4:3.) Rhunakenga ebishushanyo by’echihugo—nk’edrapo—aliko rhurhabiharamya. (1 Yohana 5:21) Rhurhachiheba oku lunda lwa chama chilebe ch’epolitike changwa cha kandida mulebe na ntacho ao ntaye rhupinga. Mw’ezola njira n’ezindi, rhunayerekana oku rhuli bemana bwenene oku burhegesi bwa Mungu k’okuderha—Obwami bwage.
HUMBA BWENENE
Rhulole ehali zakahanyagaza okurhaba ku lunda lulebe kwerhu, na gurhe wakarhola esimikiro zasimisa Yehova.
3. Abakristu b’okuli barhaba ku lunda lulebe
Yesu n’abanafunzi bage balirhulekere olwiganyo lwinja. Osome Waroma 13:1, 5-7 na 1 Petro 2:13, 14. Naho, ziha EVIDEO muje mwaganira kw’ebila bibazo.
Bulagurhe rhukwanene rhukenge abakulu b’eleta?
Njira zihe ziguma rhwakayerekanamo oku rhubakengere?
Amango m’evita, hali ebihugo binaderha mpu nta lunda biliko, aliko byanarhabala enyunda zombi z’abali omu ntambala. Omu bukweri okurhaba ku lunda lulebe k’okuderha gurhe? Osome Yohana 17:16. Naho, ziha EVIDEO muje mwaganira kw’echila chibazo.
Okurhaba oku lunda lulebe k’okuderha gurhe?
Gurhe rhwakajira nk’abakulu b’eleta bamahema mpu rhujire echintu chipingene n’esheriya ya Mungu? Osome Matendo 5:28, 29. Naho, ziha EVIDEO muje mwaganira kw’ebila bibazo.
Nk’amarhegeko m’abantu mamapingana n’ama Mungu, mahe rhukwanene kukenga?
Hali zihe ziguma owazize zakahika, ey’Abakristo barhakwanene kukenga abakulu b’eleta?
4. Orhabaga ku lunda lulebe omu mawazo n’omu bijiro
Osome 1 Yohana 5:21. Naho, ziha EVIDEO muje mwaganira kw’ebila bibazo.
Nk’ok’obwene omu video, bichi byarhumaga Ayenge arhachihira omu chama ch’epolitike changwa akajira eby’abandi yibajira nk’okulamusa edrapo?
Owazize kw’alirholere esimikiro nyinja si?
Zindi hali zihe zakahanyagaza okurhaba ku lunda lulebe kwerhu? Ziha EVIDEO, muje mwaganira kw’ebila bibazo.
Gurhe rhwakayorha eyi rhurhali ku lunda lulebe amango rhuli rhwalola amache m’esporo m’ebihugo?
Gurhe rhwakayorha eyi nta lunda rhuliko chiro rhwakaba rhwababezwe changwa rhwayungukire n’ebi bakulu balebe b’epolitike bajirire?
Nka gurhe emyazi rhunayunva oku ma enformasiyo, changwa oku barhunakomerana nabo yakarhukolako omu kurhaba ku lunda lulebe kwerhu?
Fasi zihe zihemere Omukristu ayorhe ey’arhali ku lunda lulebe omu mawazo n’omu bijiro?
HALI OWAKABAZA: “Chirhuma orhalamusa edrapo ao okuyimpa olwimpo lw’echihugo?”
Gurhe wakamushubiza?
OKU BUGEKE
Abakristu banachihangana bwenene yi bayorha eyi barhali ku lunda lulebe omu mawazo, omu binwa, n’omu bijiro.
Rhuchiyibusye
Gurhe rhukwanene kubona oburhegesi bw’abantu?
Bulagurhe Omukristu arhakwanene kugwarha olunda abako omu by’epolitike?
Hali zihe zakahanyagaza okurhaba ku lunda lulebe kwerhu?
EYINDI MYAZI
Bichi byakahema Omukristu achiyime y’ayorha ey’arhali ku lunda lulebe?
Bichi emilala yakajira omu kuba yachirheganya oku byakageregeza okurhaba ku lunda lulebe kwabo?
Engani y’omuntu waliri wawaza k’okulwira echihugo chage bwenene l’olukengo lunene akagwarha ayinja rhegera oku gasi nanga.
Lola gurhe wakayorha ey’orhali chigabi ch’elila gulu amango oli warhola esimikiro zilolere akasi.
“Buli Muguma nj’Aheka Omuzigo Gwage” (Omunara g’Omulanzi Siku 15, Mwezi gwa 3, 2006)