Peukaʼukamaka

Kemɨtiuyuri Ketsuútsi

VIDEO: Ketsuútsi niuki ʼaixɨ manuyɨtɨká Zaqueo pɨtaxaatɨa

1. Neuxeiya VIDEO nutsɨ nakaterɨwa Lucas 19:​1-7. ʼAriketá ʼikɨ ʼiwaurikate neutiʼeiya:

1. ¿Titayarikɨ hiipatɨ teuteri mekateyunɨikukai Zaqueo haamatɨa?

2. ¿Ketsuútsi tita tiyuitɨa ʼiyaarieyatsíe, niuki ʼaixɨ ʼanene mitaxaatɨanikɨ?

¿Tita tetehetimamateke Ketsuútsi kemɨtiuyuritsíe?

2. Peuyewetsé taame temɨkaʼukamamaka mɨtiyuri temɨtewataxaatɨanikɨ naime teuteri kwiepatsíe memɨtama.

Ketsuútsi keneutaʼɨki

3. Jehová heetsíe keneuʼapareewi. Yuútsi tɨrɨkarieya Ketsuútsi pɨpareewi niuki ʼaixɨ ʼanene mɨkuxaatanikɨ, mɨɨtá ʼekɨ tsiere pɨʼatsipareewiwe (Mat. 10:​19, 20; Luc. 4:18). Jehová ketinewawirieka ʼanenewierikatsíe, pekaʼukamatɨ hiipame teuteri pemɨtiwakuxaxaatɨwanikɨ (Hech. 4:29).

4. Hiipame yɨɨkɨ pepɨkatiwaxeiyani. Heiwa tepekamatɨkɨka hiipame wahatsɨa temuyeʼaxɨani kememɨteyuhekɨakɨ, kemɨire tumini memuyemanakɨ, kememɨteheukuteikɨ yakatixaɨ kememɨteʼeriekɨ. Mɨɨtá nayeʼeriwani:

1. Jehová metá Ketsuútsi waʼiyaari mepuxeiya; taame hawaikɨ.

2. Tepɨkatekuʼeriwani keane tewi temɨtekuxaxaatɨwa kenaame Jehová kaʼipareewiwe.

5. Peukaʼukamaka metá keneyuʼɨwiyani (Mat. 10:16). ʼAixɨ yari kenekuhɨaweni metá pepɨkaʼihaxɨatɨaka. Xɨka petiniereni keane tewi pemɨtikuxaxaatɨwa kametsihauʼeniemɨkɨnirí, yakatixaɨ petimaiká xɨka ʼaixɨ pekatiʼeritɨaka, ketinanɨnɨtsá petikuxaxaatɨwatɨ temawierima (Prov. 17:14).