Netiʼenietɨyeikani

Kemɨtiuyuri Ketsuútsi

VIDEO: Ketsuútsi putatsua waɨkawa teuteri waruxeiyaka

1. Neuxeiya VIDEO nutsɨ nakaterɨwa Marcos 6:​30-34. ʼAriketá ʼikɨ ʼiwaurikate neutiʼeiya:

1. ¿Títakɨ Ketsuútsi metá tɨɨriyamama metehauyehɨakai hakewa yuhɨkɨate memetiteni?

2. ¿Tita tikuyuitɨwakai Ketsuútsi niuki ʼaixɨ manuyɨtɨká meyuwaɨkawame muwakuxaxaatɨwanikɨ?

¿Tita tetehetimamateke Ketsuútsi kemɨtiuyuritsíe?

2. Kepauka teuteri temɨwaretiʼenietɨkɨkatsíe yeme tepɨtekuhekɨkɨata waheetsíe tepeuyuʼiyaaritɨa, xeikɨatá yetepɨkatekuyuruwa memɨtatsiʼenienikɨ Yuútsi Niukieyatsíe temɨtewataxaatɨanikɨ.

Ketsuútsi keneutaʼɨki

3. ʼAmaitɨ́ kenekuʼeniwani. Keneuhayewa keane pemɨtikuxaxaatɨwa mɨtaniuni metá ʼekɨ pepɨkaʼanuyeniukani. Xɨka yɨɨkɨ ʼatiuʼeiya yakatixaɨ heiwa ʼatiutaxatɨani kemɨreuʼerie metá titatsíe mɨrauyuʼiyaaritɨa, pekaʼitaʼenieka hepaɨ pekwayɨaneni. Xɨka peʼitaʼenieka pepɨtihekɨatá yeme kɨmana pepeuyuʼiyaaritɨa metá tsiere kemɨtikuʼeriwa.

4. Heetsiena keneutiʼeriwani. Kenayeʼeriwani tita heetsíe xemɨteʼutixaatakai metá tineuyuʼiwawiya:

1. «¿Titayari reuyehɨwá mɨtiyuri mɨrakumaiká?».

2. «¿Tita tiyupatawe tuukaarieyatsíe metá ʼuxaʼá warié xɨka Yuútsi Niukieya ʼuyutiʼɨkitɨani?».

5. Tineutixaxaatɨwani tita mɨtipareewiwetsíe. Neuxeiyatsitɨa kehepaɨ Yuútsi Niukieya mɨtipareewiwe tita mɨreumaimɨkɨ.