laivyavyavastha

12 yahova ne moosa se yah bhi kaha, 2 “israeliyon se kehna, ‘agar ek aurat garbhvati hoti hai aur ladke ko janm deti hai, to woh saat din tak ashuddh rahegi, jaise woh maahavari ke dinon mein ashuddh rehti hai.+ 3 ladke ke janm ke aathvein din uska khatna kiya jaana chahiye.+ 4 us aurat ko khoon behene ki vajah se hui ashuddh haalaat se nikaalkar shuddh hone mein 33 din aur lageinge. jab tak uske shuddh hone ke din poore nahin hote, tab tak use koi bhi pavitra cheez nahin chhooni chahiye aur pavitra-sthan mein nahin aana chahiye.

5 agar ek aurat ladki ko janm deti hai to woh 14 din tak ashuddh rahegi, jaise woh maahavari ke dinon mein ashuddh rehti hai. use khoon behene ki vajah se hui ashuddh haalaat se nikaalkar shuddh hone mein 66 din aur lageinge. 6 jab ek aurat ke shuddh hone ke din poore ho jaate hain, fir chahe yah bete ke janm ke baad ho ya beti ke, to use hom-bali ke liye ek saal ka nar memna+ aur paap-bali ke liye kabootar ka ek bachcha ya ek faakhta lekar bheint ke tamboo ke dvar par jaana chahiye aur yaajak ko dena chahiye. 7 yaajak yahova ke saamne unhein arpit karega aur us aurat ke liye prayashchit karega. tab woh aurat khoon behene ki vajah se hui ashuddh haalaat se chhootkar shuddh ho jaayegi. yah niyam us aurat ke liye hai jiska bachcha hota hai, chahe ladka ho ya ladki. 8 lekin agar woh bali ke liye medha nahin de sakti to use do faakhte ya kabootar ke do bachche laakaar dene chahiye,+ ek hom-bali ke liye aur ek paap-bali ke liye. yaajak us aurat ke liye prayashchit karega aur woh shuddh ho jaayegi.’”