18 Apang tuhoy sa hari sang Juda nga nagsugo sa inyo nga mamangkot kay Jehova, amo ini ang isiling ninyo sa iya, “Amo ini ang ginsiling ni Jehova nga Dios sang Israel: ‘Tuhoy sa mga pulong nga nabatian mo, 19 bangod nangin mabinatunon* ang imo tagipusuon kag nagpaubos ka+ sa atubangan ni Jehova sang mabatian mo ang ginsiling ko batok sa sini nga lugar kag sa mga pumuluyo sini nga ini pakamalauton kag mangin kabangdanan sang kahadlok, kag gingisi mo ang imo bayo+ kag naghibi ka sa atubangan ko, ginpamatian ko man ikaw, siling ni Jehova.

13 Padayon sia nga nagpangamuyo sa Iya kag natandog Sia sang iya pakiluoy kag ginpamatian Niya ang iya pangabay, gani ginbalik Niya sia sa paghari sa Jerusalem.+ Dayon nakilala ni Manases nga si Jehova ang matuod nga Dios.+

Sang nangayo sia sing bulig ginpamatian niya sia.+

22 Apang ang amay nagsiling sa iya mga ulipon, ‘Dali! dalha ninyo diri ang pinakamaayo nga malaba nga bayo, kag ipasuksok sa iya, kag suksuki man sia sang singsing kag sandalyas. 23 Kag ihawa ninyo ang ginpatambok nga tinday nga baka, kag magkaon kita kag magselebrar, 24 kay ining akon anak napatay apang nabuhi liwat;+ nadula sia kag nakita.’ Kag nagkinasadya sila.

13 Apang ang manugsukot sing buhis, nga nagatindog sa malayo, indi gani magtangla sa langit kundi nagpukpok sang iya dughan, nga nagasiling, ‘O Dios ko, maluoy ka sa akon nga makasasala.’+ 14 Nagasiling ako sa inyo, ini nga tawo nagpauli sa iya balay nga mas matarong sangsa sina nga Fariseo.+ Bangod ang nagapakataas sang iya kaugalingon paubson, apang ang nagapaubos sang iya kaugalingon pakataason.”+