Hulyo 28–Agosto 3
Pagkabuhi kag Pagministeryo Workbook Para sa Miting—2025 | Hulyo

HULYO 28–AGOSTO 3

HULUBATON 24

Ambahanon 38 kag Pangamuyo | Nagabukas nga Komento (1 min.)

MGA BAHANDI SA PULONG SANG DIOS

1. Pabakura ang Imo Kaugalingon sa Pag-atubang sa mga Kabudlayan

(10 min.)

Magkuha sang ihibalo kag kaalam (Hul 24:5; w23.07 18 ¶15)

Padayuna ang imo espirituwal nga rutina bisan pa naluyahan ka (Hul 24:10; w09 12/15 18 ¶12-13)

Ang mabakod nga pagtuo kag gugma kay Jehova makabulig sa aton para malampuwasan ang mga kabudlayan (Hul 24:16; w20.12 15)

Sister nga may malala nga balatian nga malipayon nga nagapakigbahin sa pamalaybalay nga ministeryo upod sa iya abyan. May ginapakita sia sa iya tablet sa isa ka babayi nga ara sa puertahan sang iya balay.

2. Espirituwal nga mga Hiyas

(10 min.)

  • Hul 24:27—Ano nga leksion ang ginatudlo sini nga hulubaton? (w09 10/15 12)

  • Sa imo pagbasa sa Biblia sini nga semana, ano nga espirituwal nga mga hiyas ang gusto mo ikomento?

3. Pagbasa sa Biblia

(4 min.) Hul 24:​1-20 (th tulun-an 11)

MANGIN EPEKTIBO SA MINISTERYO

4. Pagsugod sa Pag-istoryahanay

(2 min.) INDI PORMAL NGA PAGPANAKSI. Natapos lang ang inyo pag-istoryahanay nga wala ka nakapanaksi. (lmd leksion 2 punto 4)

5. Pagsugod sa Pag-istoryahanay

(3 min.) PAGPAMALAYBALAY. (lmd leksion 3 punto 4)

6. Pagsugod sa Pag-istoryahanay

(3 min.) PAGPANAKSI SA PUBLIKO. Sugiri ang imo kaistorya parte sa aton ginahimo nga pagtuon sa Biblia, dayon hatagi sia sang contact card. (lmd leksion 4 punto 3)

7. Pamulongpulong

(3 min.) lmd apendise A punto 11—Tema: Nagakomunikar ang Dios sa Aton. (th tulun-an 6)

PAGKABUHI BILANG CRISTIANO

Ambahanon 99

8. Buligi ang Isa kag Isa Kon May Kabudlayan

(15 min.) Paghinun-anon.

Ang paglapta sang balatian, kalamidad, kinagamo bangod sang pulitika, inaway, ukon paghingabot mahimo gulpi lang matabo. Sa tion sang kabudlayan, ang aton mga kauturan nga naapektuhan nagabuligay kag nagapalig-unay. Pero bisan pa indi kita direkta nga apektado sini, ginadumdom gid naton ang aton mga kauturan kag ginahimo ang aton masarangan para mabuligan sila.​—1Co 12:​25, 26.

Mga piktyur: Mga utod nga nagabulig sa ila mga kauturan sa sarisari nga paagi. 1. Mga kauturan nga nagatukod liwat sang Kingdom Hall nga nawasak bangod sang kalamidad. 2. Ginaabiabi sang mga kauturan ang nanay kag ang iya bata nga babayi nga mga refugee. 3. Sister nga nagahulog sang iya amot sa donation box sa Kingdom Hall. 4. Mga kauturan nga nagahatag sang mga suplay nga kinahanglanon sang mga utod nga refugee sa isa ka Kingdom Hall. 5. Naga-deliver ang mga boluntaryo sang ilimnon nga tubig sa mga kauturan. 6. Isa ka brother nga nagapangamuyo.

Basaha ang 1 Hari 13:6 kag Santiago 5:16b. Dayon pamangkuta ang tumalambong:

  • Ngaa gamhanan ang pangamuyo sang mga alagad sang Dios para sa iban?

Basaha ang Marcos 12:​42-44 kag 2 Corinto 8:​1-4. Dayon pamangkuta ang tumalambong:

  • Bisan pa pigado kita kag diutay lang ang aton maamot sa bug-os kalibutan nga hilikuton para mabuligan ang aton mga kauturan nga nagakinahanglan, ngaa indi kita magduhaduha sa paghimo sini?

Ipatan-aw ang VIDEO nga Pagpabakod sa mga Kauturan sa mga Lugar nga Ginadumilian ang Hilikuton. Dayon pamangkuta ang tumalambong:

  • Ano ang ginhimo nga sakripisyo sang aton mga utod para mabuligan ang ila kauturan sa mga lugar sa Eastern Europe nga ginadumilian ang aton hilikuton?

  • Bisan pa ginadumilian ang aton hilikuton, paano ginsunod sang aton mga kauturan ang sugo nga magtipon kag palig-unon ang isa kag isa?​—Heb 10:​24, 25

9. Pagtinuon sang Kongregasyon sa Biblia

(30 min.) lfb leksion 4-5

Nagatakop nga Komento (3 min.) | Ambahanon 112 kag Pangamuyo

Mga Kaundan
Ang Lalantawan (Tulun-an)—2025 | Mayo

Tulun-an nga Artikulo 21: Hulyo 28, 2025–Agosto 3, 2025

14 Hulata ang Siudad nga Magapabilin

Dugang Pa nga Puede Mo Basahon

Iban pa nga artikulo sa sini nga isyu