11 Sin-o nga dios ang kaangay sa imo, O Jehova?+

Sin-o ang kaangay sa imo nga labing balaan?+

Ang Isa nga dapat kahadlukan kag dayawon paagi sa mga ambahanon, ang Isa nga nagahimo sing makatilingala nga mga butang.+

5 Kay bisan pa may ginatawag nga mga dios, sa langit man ukon sa duta,+ kag may madamo nga “mga dios” kag madamo nga “mga ginuo,” 6 apang para sa aton may isa lang ka Dios,+ ang Amay,+ nga nagtuga sang tanan nga butang kag nagluntad kita para sa iya;+ kag may isa ka Ginuo, si Jesucristo, nga paagi sa iya nahimo ang tanan nga butang+ kag nagluntad kita paagi sa iya.