Ezequiel

15 Kag nagsiling pa si Jehova sa akon: 2 “Anak sang tawo, ano ang kinatuhayan sang kahoy sang ubas sa iban nga mga kahoy sa kagulangan? 3 Makakuha ka bala sing tukon halin sa sini nga magamit sa pagtrabaho? Ukon magamit bala ini subong salab-itan sang mga kagamitan? 4 Ginagatong ini sa kalayo, kag masunog ang duha ka punta sini, kag amo man ang sa tunga sini. Magamit mo pa bala ini? 5 Indi gani ini magamit bisan wala pa ini masunog. Ano pa gid ayhan kon sunog na ini!”

6 “Gani amo ini ang ginasiling sang Soberanong Ginuong Jehova: ‘Subong nga gingatong ko sa kalayo ang kahoy sang ubas sa kagulangan, amo man ini ang himuon ko sa mga pumuluyo sang Jerusalem.+ 7 Silutan ko sila. Nakapalagyo sila sa kalayo, apang lamunon man sila sini. Kag makilala mo nga ako amo si Jehova, kon silutan ko sila.’”+

8 “‘Kag indi ko na pagpaistaran ang duta+ bangod sang ila pagkadimatutom,’+ siling sang Soberanong Ginuong Jehova.”