PAMANGKOT 10
Ano ang ginsaad sang Biblia nga matabo sa palaabuton?
“Ang mga matarong magapanubli sang duta, kag magapuyo sila sa sini sa wala sing katubtuban.”
“Ang duta nagapabilin tubtob sa wala sing katubtuban.”
“Dulaon niya sing dayon ang kamatayon, kag pahiran sang Soberanong Ginuong Jehova ang luha sa tanan nga nawong.”
“Sa sina nga tion ang mga mata sang mga bulag makakita, kag ang mga dulunggan sang mga bungol makabati. Sa sina nga tion ang mga piang magalukso kaangay sang usa, kag ang mga apa magahugyaw sa kalipay. Kay magasagawak ang tubig sa kamingawan, kag magailig ang mga sapa sa desyerto nga kapatagan.”
“Pahiran niya ang tagsa ka luha sa ila mga mata, kag wala na sing kamatayon, ukon paglalaw ukon paghibi ukon kasakit pa. Ang mga butang sang una nagtaliwan na.”
“Magapatindog sila sing balay kag magapuyo sa sini, kag magatanom sila sing mga ulubasan kag magakaon sang bunga sini. Indi sila magpatindog kag iban ang magapuyo, ukon magtanom kag iban ang magakaon. Kay ang mga adlaw sang akon katawhan mangin kaangay sang mga adlaw sang kahoy, kag ang akon mga pinili magakalipay sa binuhatan sang ila kamot.”