“Ang Sabat sa Akon mga Pangamuyo”

Amo ina ang ginsiling sang isa ka mainapresyahon nga bumalasa sang publikasyon nga You Can Live Forever in Paradise on Earth:

“Simple lamang ini nga mahangpan sang kabataan ang kamatuoran kag intelihente na para sa mga ginikanan agod makahimo sila sing desisyon. Malip-ot ini kag diretso sa punto. Wala ini nagapalikoliko! Ginapabutyag sini ang ‘Kamatuoran’ subong amo gid ang kamatuoran. Ginaunod sini ang tanan sang maayong punto nga kinahanglanon agod malab-ot ang tagipusuon sang bunayag sing tagipusuon nga mga indibiduwal. . . . Salamat gid sa sining ‘mapula nga bomba’ nga nagbomba sing makapabaskog sing kabuhi nga mga kamatuoran!”

Ikaw man, malipay kon buksan mo ining mahapos basahon nga libro nga gindesinyo para sa pagtuon sang Biblia. Sa 256 ka pahina, nga subong kadaku sining magasin apang mas dalagku sing letra, nagaunod ini sing mga 150 ka matahom nga laragway. Isa ini ka maayo gid nga bulig sa pagtudlo nga nagabulig sa pagpatudok sing importante nga mga punto sa hunahuna sang bumalasa. Batona ang imo kopya paagi sa pagsulat kag pagpadala sang kaupod nga kupon.

Palihug ipadala, nga nabayaran na ang selyo, ang 256 sing pahina, matig-a sing hapin nga libro nga You Can Live Forever in Paradise on Earth. Naglakip ako sing ₱30.