Pahina Dos

Minilyon ka ginikanan sa bilog nga kalibutan ang namatyan sing anak. Balatian, gutom, inaway, pagpatay, paghikog, aksidente, pagkapatay samtang nagakatulog, nahulugan, ginbun-ag nga patay—ano man ang kabangdanan, ang isa ka ginikanan pirme nga nagabakho.

Walay sapayan sang edad sang anak, ang kasakit pirme nga nagaunay. Paano mabatas ang kasubo? Paano makapadayon ang kabuhi? Ang amon paglaragway sa sini nga pahina sang isa ka pamilya nga nagaabiabi sa ila anak gikan sa minatay isa lamang bala ka pantasya, ukon mangin matuod bala ini sa dili madugay?

Ang masunod nga matuod nga mga sugilanon sang mga tawo nga nakalandas sa daku nga kasubo bangod sa pagtaliwan sang isa ka anak magasabat sang pila sining mga pamangkot. Kon ano ang nangin resulta sang tagsa ka kaso, basaha palihog ining mga artikulo tuhoy sa kasubo. Nagapati kami nga makatigayon kamo sing lugpay kag paglaum gikan sa ila.