Pag-atubang sa mga Balatyagon

Isa gid ka matuod nga hangkat agod mahimo ini sing madinalag-on. Ang isa ka pamatan-on nagasugid sang iya eksperiensia: “Malipayon ako, apang dugaydugay daku gid ang kapung-aw ko. Kon kaisa indi ko gani mahangpan kon ano ang ginabatyag ko. Daw subong bala nga nadula ako sa kadudulman. Indi ko mapabutyag ang akon kaugalingon kag kon ano ang akon mga emosyon bisan sin-o man ang kahambal ko. Daw subong bala nga ang mga tawo sa palibot ko wala nagasapak sa akon, labi na ang akon mga kaeskwela, bangod indi ako makagalanyat. Sang ulihi ini tanan nga balatyagon nagapatay sa akon sa sulod ko, kag nagsugod ako sa pagdumot sa akon kaugalingon kag sa akon personalidad.”

Ang lin-ay nakabaton sing kopya sang libro nga Your Youth—Getting the Best out of It. “Makawiwili gid yadto,” sulat niya, “gani ginbasa ko ang masunod nga kapitulo nga, ‘Mov­ing Into Woman­hood.’ Indi ako makapati sa akon ginabasa. Ginalaragway gid sing sibu sang kapitulo ang akon ginabatyag kasan-o lang, pati ang sabat. Makapalig-on gid basahon yadto nga normal lang gali nga amo sini ang batyagon ko. Dapat lamang nga hibaluon ko ang husto nga paagi sa pag-atubang sini.”

Luwas sa pagbulig sa mga pamatan-on sa pag-atubang sa ila mga balatyagon, ginapaathag sini nga libro ang mga butang subong sang masturbasyon kag ginasabat ang mga pamangkot subong sang, Dapat bala mag-inom ang mga pamatan-on sing alkoholiko nga mga ilimnon? kag, Dapat bala sila maghimo sing seksuwal nga relasyon sa wala pa ang pag-asawahay? Batuna ang isa ka kopya sa ₱14.00 paagi sa pagsulat kag pagpadala sang kupon.

Palihog ipadala, nga nabayaran na ang selyo, ang matig-a sing hapin, 192-pahina nga libro nga Your Youth—Getting the Best out of It. Naglakip ako sing ₱14.