‘Ginabuhat Ninyo ang Inyo Ginabantala’

Ang mga Saksi ni Jehova may mga sanga talatapan sa halos isa ka gatos ka pungsod sa bug-os nga kalibutan. Sa Bagatnan nga Aprika sang nagligad nga tuig, isa ka taga-Beacon Bay nga lalaki ang nagsulat sing apresasyon sa sanga talatapan sang Watch Tower Society sa sina nga pungsod. Sia nagsiling:

“Indi ako isa ka Saksi apang tayuyon nga nagabasa sang Lalantawan kag Magmata! nga mga magasin. Nasapwan ko nga ang pagbasa sini maayo gid katama. Ginatuptupan ninyo ang lainlain nga mga topiko sa sining mga magasin kag ginapresentar ang inyo materyal sing tuman kaathag kag propesyonal.

“Mataas ang akon pagtan-aw sa moral kag paggawi sang mga Saksi. Kamo lamang ang sahi sang Cristianismo nga nakita ko nga ginabuhat pirme sang mga katapo ang ila ginapangangkon. Kabay nga magbugana ang inyo hilikuton.’

Sining karon nga mga tinuig ang hilikuton sang mga Saksi ni Jehova nagbugana tubtob sa punto nga kapin sa 30 sang ila mga sanga sa bug-os nga duta ang nagaimprinta karon sang Ang Lalantawan kag Magmata! Sing tingob, halos 700 milyones ka kopya sining mga magasin ang gin-imprinta sang nagligad nga tuig, halos 16 milyones ka kopya kada guwa sang Ang Lalantawan kag kapin sa 13 milyones ka kopya sang kada guwa sang Magmata!

Kon luyag ninyo ang dugang nga impormasyon ukon ang walay bayad nga pagtuon sa Biblia sa puluy-an, palihug magsulat sa Watch Tower, P.O. Box 2044, 1099 Manila, ukon sa nagakaigo nga direksion nga ginlista sa pahina 5.