“Maayo Gid ang Pagkasulat”

Nag-abot sa Watch Tower Society ang isa ka sulat sang apresasyon gikan sa isa ka bumalasa sa California, E.U.A., diin nagsiling sia: “Ang Awake! tuhoy sa ‘Loneliness​—What You Can Do About It’ (Septiembre 22, 1993) nagtiklod sa akon nga magsulat kag sugiran kamo kon daw ano gid ka daku ang akon kalipay sa mga magasin sining karon lang. Maayo gid ang pagkasulat, kag ang mga artikulo tuhoy sa kasubo ginsulat sing maayo kag mabinalaybayon. Subong man, ginaapresyar ko ang pagkabunayag sang mga artikulo sa pagbutang sang salabton sa kasubo sa masinulub-on nga tawo mismo. Sa pagkamatuod ginapabutyag sang mga artikulo ang tudok nga gugma kag matinatapon nga kabalaka ni Jehova para sa iya katawhan.”

Ang mga magasin nga Ang Lalantawan kag Magmata! ginapanagtag sang mga Saksi ni Jehova sa bug-os nga kalibutan. Ang nauna, nga nagapresentar sing napasad sa Biblia nga mga paathag tuhoy sa mga hulusayon karon, ginabalhag sa 115 ka hambal, nga ginaimprinta sa promedyo nga kapin sa 16 milyones sa tagsa ka guwa. Ang naulihi, nga nagahatag sing edukasyonal nga impormasyon tuhoy sa nanuhaytuhay nga mga tema, matigayon sa 73 ka hambal kag ginaimprinta sa promedyo nga halos 13 milyones.

Kon luyag mo makabaton sing sampol nga mga guwa sining mga magasin, palihug pakig-anguti ang mga Saksi ni Jehova sa Kingdom Hall sa inyo duog, ukon magsulat sa direksion nga pinakamalapit sa inyo nga nalista sa pahina 5.