“Kinahanglan Ko ang Pagpalig-on kag Paglaum”

Nabatyagan mo man bala ina? Madamo sang mga tawo karon ang nagabatyag sina. Isa ka babayi sa Fort Smith, Arkansas, ang nagsulat sa bug-os kalibutan nga ulong talatapan sang mga Saksi ni Jehova sa Brooklyn, New York, kag nagpaathag:

“Ang inyo libro nga Ang Ihibalo nga Nagadul-ong sa Kabuhi nga Walay Katapusan impormatibo gid kag makapahulag. Ginbasa ko ang bug-os nga libro sa sulod lamang sang duha ka adlaw. Nagahatag ini sa akon sing paglaum nga sa indi madugay magaluntad ang ginsaad nga bag-ong kalibutan sa idalom sang paggahom ni Jesucristo. Ginahandum ko ina nga adlaw.

“Samtang wala pa ini, nagatinguha ako nga makalampuwas sa sining kalibutan, nagahulat nga matabo ina. Naluyahan ako sing buot bangod sining kalibutanon, makatalaka, wala sing pulos nga kabuhi. Kinahanglan ko ang pagpalig-on kag paglaum. Ginsiling ninyo nga paagi sa inyo organisasyon matigayon namon ang wala bayad nga pagtuon sa Biblia sa puluy-an kon interesado kami. Mahimo bala ninyo ako masugiran kon ano ang himuon ko agod matigayon ini? Sa banta ko makapalig-on sa akon ining pagtuon sa Biblia sa puluy-an.”

Kon luyag mo makabaton sing isa ka kopya sang libro nga Ang Ihibalo nga Nagadul-ong sa Kabuhi nga Walay Katapusan ukon maluyag nga may isa nga maghiwat sa imo sing pagtuon sa Biblia sa puluy-an, magsulat palihug sa Watch Tower, P.O. Box 2044, 1060 Manila, ukon sa pinakamalapit sa imo nga direksion nga nalista sa pahina 5.