Ang Gab-i nga Dapat Dumdumon

DOMINGO, MARSO 23, 1997

SANG GAB-I antes sia mapatay, ginsugdan ni Jesucristo upod sa iya mga apostoles ang Memoryal sang iya kamatayon. Sa isa ka simple lamang nga pagkaon diin naggamit sia sing alak kag wala sing lebadura nga tinapay subong mga simbulo, si Jesus nagsugo: “Padayon nga himua ninyo ini sa pagdumdom sa akon.”—Lucas 22:19.

Malipayon nga ginaagda kamo sang mga Saksi ni Jehova nga magbuylog sa ila sa pagdumdom sining tuigan nga Memoryal. Sini nga tuig pagahiwaton ini pagtunod sang adlaw sa Domingo, Marso 23, ang petsa nga nagatumbas sa Nisan 14 sa lunar nga kalendaryo sang Biblia. Hibalua palihug sa mga Saksi ni Jehova sa inyo lugar ang sibu nga tilipunan kag oras.