Nagdayaw Gid ang Manunudlo sa Astronomiya
Nagdayaw sa ano? Sa libro nga Is There a Creator Who Cares About You? Ang isa ka manunudlo nga taga-Novo-Sakmarsk, Rusya, nagsulat sa sanga talatapan sang amo nga pungsod. Upod sa pagpangabay sing dugang pa nga impormasyon, sia nagpaathag:
“Sang nagligad nga pila ka adlaw, nasumalang ko ang madugay ko na nga abyan, kag nagkadto ako sa iya puluy-an. Nakita ko ang tuman ka makawiwili, makagalanyat nga libro sa iya estante sang mga libro. Naganyat ako sa tig-ulo—Is There a Creator Who Cares About You?—apang labi na gid sa laragway sa panghapin sini. Isa ako ka manunudlo sa pisika kag astronomiya. Sang gin-usisa ko ang libro, nagdayaw gid ako sa bugana nga impormasyon nga ginaunod sini. Wala ginahambalan sang amon pamilya ang tuhoy sa relihion sa sulod sang tatlo ka kaliwatan. Relihiosa ang nanay sang akon lola, apang ang akon lola isa ka Komunista, kag sila (ang mga Komunista) wala nagapati sa isa ka Manunuga.
“Subong isa ka manunudlo sa astronomiya, obligado ako sa pagsugid sa mga kabataan sang nanuhaytuhay nga mga haumhaum tuhoy sa ginsuguran sang uniberso. Ginbasa ko ang inyo nga libro kag nian nagdesisyon sa pagsulat sa inyo nga ginalakip ang akon direksion. . . . Nanghulam pa gani ako sing Biblia agod mabasa ko sa gilayon ang mga kasulatan.
“Madamo gid nga salamat sa sini nga libro! Mahimo nga naulihi na ako sa sining sulat, bangod ang libro ginbalhag sang 1998 pa, apang nagalaum ako nga posible gihapon nga makakuha ako sing impormasyon gikan sa inyo.”
Nalipay kami sa pagsiling nga ikaw man mahimo makapangabay sang isa ka kopya sining 192 ka pahina nga libro paagi sa pagsulat kag sa pagpadala sang kaupod nga kupon sa direksion nga makita sa kupon ukon sa nagakaigo nga direksion nga nalista sa pahina 5 sining magasin.
□ Interesado ako nga makatigayon sing kopya sang libro nga Is There a Creator Who Cares About You?
□ Pakig-anguti ako palihug tuhoy sa wala bayad nga pagtuon sa Biblia.
[Picture Credit Line sa pahina 32]
J. Hester and P. Scowen (AZ State Univ.), NASA