Unang Hari sang Israel Tubtob sa Pagkabihag sa Babilonia

Si Saul nangin unang hari sang Israel. Apang ginsikway sia ni Jehova kag ginpili si David. Subong isa ka pamatan-on, si David nakig-away sa higante nga si Goliat. Nalagyo sia gikan sa hisaan nga si Hari Saul. Nian ginpunggan sia sang matahom nga si Abigail sa paghimu sing binuang nga butang.

Masunod maton-an ta ang tuhoy sa anak ni David, si Solomon, nga nagtal-us sa iya. Ang unang 3 ka hari sang Israel naggahom sing 40 ka tuig ang kada isa. Sang mapatay si Solomon, ang Israel natunga sa naaminhan kag nabagatnan nga ginharian.

Ang naaminhan nga ginharian ginlaglag sang 257 ka tuig sang ulihi sang mga Asirianhon. Nian, 133 ka tuig sang ulihi, ang nabagatnan nga ginharian ginlaglag, kag ang mga Israelinhon ginbihag sa Babilonia. Gani ang Bahin KUATRO nagatuptop sing 510 ka tuig sang maragtas.