Ambahanon 68
Diosnon nga Kaawa
1. Kon tunay gid nga Cristiano,
Kaawa ipakita
Sa aton nga hinigugma
Bisan sa di kilala.
Ang ini gintudlo
Paagi sa laragway
Ni Jesus sang una.
Mamati may kalipay.
2. ‘Isa ka Samaritano
’Galakbay sa Jerico.
Nakita n’ya sa dalanon
Pilason nga Judiyo.’
Iya ginbuligan
Bisan di nagustuhan.
Ang gugma nagtabang.
Sugo sang Dios gintuman.
3. Ang aton isigkatawo
Aton pagabuligan.
Ang Dios ’gahatag sa tanan
Adlaw, handong, kag ulan.
Ang Dios maawaon
Sia maayo nga abyan.
Kag maluluyon pa.
Ini aton saligan.
4. Kon kisa kita ’gahatag
Kalanon kag panapton.
Apang mas kinahanglanon
Ang kabuhi nga dayon.
Ginharian sang Dios
Kag ang kamatuoran
Dalhon sa katawhan
Agod Dios mabulahan.