Ambahanon 125
“Si Jehova Kadampig Ko”
1. Tagipusuon ko sa Dios,
May pagsalig, maligon.
Handum ko sia akon updan
Kag pirme nga tumanon.
Sa banas sang pagkabuhi,
Madamong palaligban.
Apang Dios akon kadampig.
Gugma n’ya kalipayan.
(Koro)
2. Mahimo nga tilawan pa
Ang akon nga pagtuo,
Kay daw sa mga putyukan,
Ang kaaway madamo.
Sa balaan nga pagamlig
Akon malutos sila.
Ang ’gadala sing ngalan n’ya
Iya ginahigugma.
(Koro)
3. Dulunan sang pungsod sang Dios
Ginapalapad karon,
Kay madamong nagadagsa
Agod nga sia tumanon.
Sila iya ginasakdag;
Kay sila nahamutan.
Kabay ako subong nila
Makugihon sing tuman.
(Koro)
Si Jehova kadampig ko;
Akon dayawon sia sing dayon.