Ambahanon 132

Bantayan ang Imo Tagipusuon

(Hulubaton 4:23)

1. Tagipusuon bantayan,

Kon padya agumon.

Laygay sang Dios pamatian

Kag pirme dumdumon

Nga ang aton pagginawi

Dapat nga halungan.

Gani ang tagsa ka hulag

Imo man bantayan.

2. Sa pagbantay kinahanglan

Kita mangamuyo.

May pagdayaw, pasalamat,

Kag may mga hingyo.

Ang pagtuon sa Pulong n’ya

Ini ’gapaligon;

Subong man kon kauturan

Ang kaupod naton.

3. Huo, pirme nga dumdumon

Ang maminatudon,

Ang putli kag dalayawon,

Ang mahigugmaon.

Kag kon binagbinagon mo

Ining manga butang,

Ang kalinong kag kabuhi

Imo maaguman.