Ambahanon 222

Huptan ang Panulok Mo sa Padya!

(2 Corinto 4:18)

1. Kon ang bulag magamuklat,

Kon ang lupog magalumpat,

Kon desierto mamukadkad,

Tubig magaalimbukad,

Kon wala na kamatayon,

Tigulang mangin lamharon—

Ini imo nga makita,

Kon panulok mo sa padya.

2. Kon ang apa magaamba,

Kon ang bungol mamati na,

Kon duta magapatubas

Sing dagaya gid nga uyas,

Kon lapnag na ang katawhay,

Kon bugana ang kalipay,

Kag pagbanhaw makita pa,

Kon panulok mo sa padya.

3. Kon ang lobo magahampang

Kaupod sa karnero man,

Isa ka diutay nga bata

Ang magatuytoy sa ila.

Kon madula ang paghibi,

Ang kahadlok kag kahapdi,

Tanan ini nian makita,

Kon panulok mo sa padya.