BAHIN 4

Namati Sila kay Satanas—Ano ang Resulta?

Napatay sanday Adan kag Eva bangod wala nila gintuman ang Dios. Genesis 3:6, 23

Ginkaon ni Eva ang gindumili nga prutas kag ginhatagan niya sin Adan

Namati si Eva sa man-ug kag nagkaon sang bunga. Dayon, ginhatagan niya si Adan kag nagkaon man ini.

Ginpagua sanday Adan kag Eva sa ila puluy-an nga Paraiso

Indi husto ang ila ginhimo—sala ini. Gani, ginpahalin sila sang Dios sa Paraiso.

Nagtigulang sanday Adan kag Eva kag dayon napatay

Nag-antos sila kag ang ila kabataan. Nagtigulang sila kag napatay. Wala sila nagkadto sa duog sang mga espiritu. Wala na sila nagpadayon sa pagkabuhi.

Ang patay pareho lang sa yab-ok nga wala sing kabuhi. Genesis 3:19

Mga tawo nga lainlain sing kultura sa nanuhaytuhay nga tion

Nagakapatay kita bangod naghalin kita tanan kanday Adan kag Eva. Ang mga patay indi makakita, makabati, ukon makahimo sang bisan ano.—Manugwali 9:5, 10.

Bata nga babayi nga napatay kag ginahibian sang iya pamilya

Wala gintuyo ni Jehova nga mapatay ang mga tawo. Sa ulihi, buhion niya liwat ang mga patay. Kon mamati sila sa iya, magakabuhi sila sing walay katapusan.