Mga Rason sa Pagkalipay

1. Pirme gid kita malipayon

Bangod sa madamong rason.

Ang mga mapainubuson

Nagabuylog man sa aton.

Tudok gid ang aton kalipay

Kay Pulong sang Dios nahangpan.

’Gabakod ang aton pagtuo

Kon adlaw-adlaw matun-an.

Kita malipayon gihapon

Bisan pa may kabudlayan.

Nagasalig ’ta kay Jehova,

Indi n’ya kita pabay-an.

2. Nalipay kita nga makita

Sa dagat, langit, kag duta,

Mga tinuga ni Jehova

Sa iya nagahimaya.

Nalangkag kita nga isugid

Ang iya nga Ginharian.

Iya nga pagpakamaayo

Matigayon sang katawhan.

Dali na lang naton maagom

Kabuhi nga ginahandum.

Sa bag-o nga langit kag duta,

Aton kalipay padayon.