Modulasyon

Hulubaton 8:4

KON ANO ANG HIMUON: Ipabutyag sing maathag ang mga punto kag pukawa ang emosyon sang imo tagpalamati paagi sa pagbulubag-o sang kabaskugon kag kataason sang imo tingog pati na sang kadasigon sang imo paghambal.

KON PAANO INI HIMUON:

• Bulubag-uha ang kabaskugon sang imo tingog. Pabaskuga ang imo tingog para mapadaku ang panguna nga mga punto kag mapahulag ang imo tagpalamati. Amo man kon nagabasa sang mga paghukom nga yara sa Kasulatan. Pahinaya ang imo tingog para pukawon ang ila kalangkag ukon ipabutyag ang kahadlok ukon kabalaka.

• Bulubag-uha ang kataason sang imo tingog. Kon nagakaigo sa inyo lenguahe, pataasa ang imo tingog para ipabutyag ang kapagsik kag kon nagalaragway sang kadakuon ukon kalayuon. Panubua ang imo tingog para ipabutyag ang kasubo ukon kabalaka.

• Bulubag-uha ang kadasigon sang imo paghambal. Maghambal sing mas madasig kon nagapabutyag sing kalangkag. Maghambal sing mas mahinay sa importante nga mga punto.