Paano Mo Ginasaway ang Imo Kabataan?

INDI ini mahapos, ayhan magaugyon ang kalabanan nga mga ginikanan. Ang mga ginikanan sang mga kabataan nga nagaedad sing napulo kag pito ka tuig nagasugid kon paano sila nabuligan sing daku sang libro nga Pagpamati sa Dakung Manunudlu kag Your Youth—Getting the Best out of It.

“Kon kinahanglan namon nga sawayon ang amon kabataan,” sulat nila, “ginahambal namon sila kag ginahibalo kon ano ang problema, halimbawa, ayhan wala nagapakita sing gugma sa utod ukon wala nagatahod sa amon nga mga ginikanan. Pagkatapos ginapabasa namon sa ila, sing pahain sa ila kaugalingon nga hulot, ang isa ka nagakaigo nga kapitulo gikan sa isa sining duha ka libro. Ginahatagan man namon sila sing pila ka teksto nga pangitaon nila kag basahon.”

Ang resulta? “Kon magguwa na sila sa pagsugid sa amon nga nakatapos na sila kag handa na sa pagrepaso sa kapitulo kag sa mga kasulatan upod kay Daddy kag Mommy, daku gid ang pagbag-o!” Nahanungod sa ila pito-ka-tuig-ang-edad nga bata, nga nahuyog sa paghimo sang luyag niya, nagsulat sila: “Bisan pa nga nagapudagpudag sia sing maakigon pakadto sa iya hulot, nagaguwa sia nga nagayuhom kag nagasiling, ‘Nahangpan ko nga nakasala ako. Ginakasubo ko!’”

Kon isa ikaw ka ginikanan ukon may nahibaloan nga mga ginikanan nga nagakinahanglan sing bulig sa pagdisiplina sa ila kabataan, ngaa indi mo pagtigayunon ining barato nga mga libro? Makabulig gid ini sing daku sa pagpadaku sa kabataan.

Palihug padalhi ako, nga nabayaran na ang selyo, sang matig-a sing hapin, 192 ka pahina nga mga libro nga Pagpamati sa Dakung Manunudlu kag Your Youth—Getting the Best out of It. Ginalakip ko ang ₱28.00.