“Daku ang Halit nga Mahimo”

ANG Inaway Kalibutanon I nagkutol sang madamong kabuhi kag pagkabutang. Apang, daku ang halit nga nahimo sang inaway sa larawan sang mga misyonero sang Cristiandad sa Aprika. Suno sa Katolikong misyonero nga si Francis Schim­lek sa iya libro nga Medicine Versus Witchcraft, ang balita tuhoy sining tugub-globo nga sunog “daw kaangay sang linog, sang tay-ug nga nabatyagan tubtob sa katapusan nga estasyon sang misyon sa katamnan sang Aprika. . . . Ang mga mensahero ni Cristo nahuy-an, kag ang Tumandok nga mga Cristiano naligban.”

Ngaa? Ginakutlo ni Schim­lek ang misyonero nga si Albert Schweit­zer nga nagapaathag: “Kita tanan nakahibalo nga madamong Tumandok ang naligban sa pamangkot kon paano nga ang puti, nga nagdala sang Ebanghelyo sang gugma, karon nagapinatyanay sa isa kag isa, kag wala nagasapak sang mga sugo ni Ginuong Jesus. Kon ipamangkot nila ina sa amon wala kami sing masabat. . . . Nahadlok ako nga basi daku ang halit nga mahimo.”