Report sang mga Manugbantala sang Ginharian

Malipayon nga Reunyon sa Brazil

SA 67 ka nahanas sa Gil­e­ad nga misyonero nga nagaalagad karon sa Brazil, 63 ang nagtipon sa sanga talatapan kag nagpakuha sining maragtason nga laragway. Ining makalilipay nga reunyon natabo sang Nobiembre 18, 1986, sang magduaw si A. D. Schroe­der, isa ka katapo sang Nagadumala nga Hubon sang mga Saksi ni Jehova sa Brook­lyn, Nueva York.

Kuwarentay-uno ka tuig na ang nagligad—sang Nobiembre 17, 1945—sang ang duha ka gradwado sang nahauna nga klase sang Watch­tow­er Bi­ble ­School of Gil­e­ad nag-abot sa Brazil. Para sa isa sa ila, kay ­Charles ­Leathco (likod, sa nawala sang sentro), isa ini ka pinasahi nga reunyon bangod sia kag ang dumuluaw nga si Char­lotte Schroe­der magkabutho sa Gil­e­ad, kag si Broth­er Schroe­der isa sang ila mga instruktor.

Kutob sadtong una nga klase, 258 tanan ka misyonero ang nagkadto sa Brazil. Lakip sa ila amo ang 16 ka tumandok sang Brazil. Ang isa sa ila, si Augusto Machado (sa una sa wala), nakatuon sing kamatuoran gikan sa isa ka una nga misyonero, nag-eskwela sa Gil­e­ad kag nagbalik sa Brazil. Nagaalagad sia sa sanga talatapan sa nagligad nga 30 ka tuig kag karon amo ang co­or­di­na­tor sang Komite sang Sanga. Bisan pa madamo sang mga misyonero ang wala na sa latagon sang pagmisyonero, ang maayong binuhatan nga ila nahimo nagapabilin. Sang 1945, 344 lamang ang manugbantala sang Ginharian sa sadto nga pungsod; karon ang Brazil nagapadulong sa 200,000 nga marka, kay nagreport ini sing kataason nga 196,948 ka manugbantala sa 1986 nga tuig sang pag-alagad.

Daw ano nga kalipay para sa taga-Brazil nga mga misyonero, bataon kag tigulang, nga dumdumon sa sining makalilipay nga reunyon ang tanan makadalayaw nga binuhatan sang nagligad nga 41 ka tuig.