Ikaw Bala Mismo ang Imo Idolo?

Sa walay hinalung-ong, ang iban nga mga tawo nagaidolo sang ila kaugalingon. Ang Biblia nagapaathag sa Efeso 5:​5: “Saligi ninyo ini, nga walay makihilawason ukon mahigko nga tawo ukon makamhunon​—⁠kon sayuron diwatahan​—⁠nga may panublion sa ginharian ni Cristo kag sang Dios.” (Colosas 3:​5; ipaanggid ang Galacia 5:​19-21.) Ang undanon nga kailigbon nagahamulag sa tawo kag sa Dios. Si Pablo nagasiling tuhoy sa ila nga ang “ila dios amo ang ila tiyan.” (Filipos 3:​18, 19) Sa iban nga hambal, may iban sila nga “dios” luwas kay Jehova, nagauna anay sang ila undanon nga mga kailigbon. Ina nga pagginawi nagahimo sa isa nga indi makasulod sa Ginharian sang Dios. (1 Corinto 6:​9, 10) May maayong rason, nian, nga pamatian ang pinamulong ni apostol Pablo: “Busa, mga hinigugma ko, likawi ang pagsimba sa mga diosdios.”​—⁠1 Corinto 10:⁠14.