“Mga Resita Para sa Pagpadaku sing Malipayon kag Madinalag-on nga Bata”

SA UBOS sini nga tig-ulo, ang magasin nga Medical Aspects of Human Sex­ual­ity nagbalhag sing isa ka artikulo diin ginbalay ni Dr. Irene Jakab, propesor sang sikyatriya sa unibersidad, ang sa banta niya nga kinahanglanon agod ang isa ka bata mapadaku nga isa ka madinalag-on nga hamtong. Ang iban sang iya “mga resita” amo ang kinahanglanon nga higugmaon sang mga ginikanan ang ila bata, tuytuyan sia sa kon ano ang husto kag sayop, kag hanason sia sa paghimo sing mga desisyon. Para sa iya ang “mga resita” wala gid nagalakip sang maabtik nga kaakig sa bahin sang mga ginikanan, pagkaperpekto, sobra nga kabalaka, ukon pagkamatinuguton.

Ang “mga resita” ni Dr. Jakab maayo gid man. Sa pagkamatuod, sang nagligad nga linibolibo ka tuig, ang Biblia naghatag sing kaanggid nga laygay sa mga ginikanan. (Tan-awa, halimbawa, ang Hulubaton 4:1; 13:24; 22:6; Colosas 3:21.) Apang, ang Biblia nagalakip sang pila ka butang nga ginlaktawan ni Propesor Jakab: ang importansia sang pagtudlo sa kabataan nga higugmaon ang ila Manunuga kag mangin pamilyar sa iya Pulong. Si apostol Pablo nagsulat: “Mga amay, indi ninyo pagpaakiga ang inyo mga anak, kundi sagura sila sa disiplina kag panghunahuna ni Jehova.”​—⁠Efeso 6:4; Deuteronomio 6:​4-7.

Kon wala ina nga paghanas, ang mga kabataan magadaku nga wala sing sulundan sa moral. Ang resulta mahimo mangin makahalalit sa sining imoral kag malaut nga kalibutan.