Tuigan nga Miting

OKTUBRE 2, 1993

ANG TUIGAN NGA MITING sang mga katapo sang Watch Tower Bible and Tract Society of Pennsylvania pagahiwaton sa Oktubre 2, 1993, sa Assembly Hall of Jehovah’s Witnesses, 2932 Kennedy Boulevard, Jersey City, New Jersey. Ang pauna nga miting sang mga katapo lamang magatipon sa alas 9:30 s.a., kag sundan pagkatapos sang kabilugan nga tuigan nga miting sa alas 10:00 s.a.

Dapat pahibaluon karon sang mga katapo sang Korporasyon ang Opisina sang Sekretaryo tuhoy sa pagbag-o sang ila direksion sang nagligad nga tuig agod nga ang regular nga mga sulat sang pahibalo kag mga ­proxy (dokumento sa pagboto kon indi makatambong sing personal) makalab-ot sa ila sa madali sa tapos sang Agosto 1.

Ang mga ­proxy, nga ipadala sa mga katapo upod sa pahibalo tuhoy sa tuigan nga miting, dapat ibalik agod makalab-ot sa Opisina sang Sekretaryo sang Sosiedad nga indi maglabang sa Agosto 15. Dapat kompletuhon sang tagsa ka katapo kag ibalik dayon ang iya ­proxy, nga nagahambal kon bala personal sia nga matambong sa miting ukon indi. Ang impormasyon nga ihatag sa tagsa ka ­proxy dapat nga pat-od tuhoy sa sini nga punto, kay amo ini ang basehan sa pagpat-od kon sin-o ang personal nga makatambong.

Ginapaabot nga ang bug-os nga sesyon, lakip ang pormal nga miting kag mga report tuhoy sa korporasyon, magahinakop sa ala 1:00 s.h. ukon indi madugay sa tapos sini. Wala sing sesyon sa hapon. Bangod sang limitado nga lugar, ang pasudlon amo lamang ang may tiket. Wala sing kahimusan nga himuon sa pag-angot sang tuigan nga miting paagi sa linya sang telepono sa iban nga mga awditoryom.